[Commentarius]

Epictetus, Martyr in Africa (S.)
Artaxes, Martyr in Africa (S.)
Felicitas, Martyr in Africa (S.)
Felix, Martyr in Africa (S.)
Fortunatus, Martyr in Africa (S.)
Iucundus, Martyr in Africa (S.)
Pictus, Martyr in Africa (S.)
Alii V Martyres in Africa
Quietus, Martyr in Africa (S.)
Quinctus, Martyr in Africa (S.)
Rusticus, Martyr in Africa (S.)
Saturninus, Martyr in Africa (S.)
Secundus, Martyr in Africa (S.)
Sillus, Martyr in Africa (S.)
Vincentius, Martyr in Africa (S.)
Vitalis, Martyr in Africa (S.)

[1] Horvm Sanctorum Martyrum Acta interciderunt, nomina in martyrologiis extant. Vetustißimum MS. S. Hieronymi: In Africa Epicteri, Quincti, Secundi, Iocundi, Saturnini, Vitalis, Quincti, Vincentij, & Felicitatis, item Quincti, Felicis, Artaxis, Fortunati, Rustici, Silli, Quieti, & aliorum sex. Vnum ex his sex eße existimanus S. Pictum, qui in perueteri Kalendario MS. monasterij S. Maximini Treuiris, ita refertur: Et S.Picti. Et S. Saturnini, in Africa. MS. Rhinovv: In Africa Epicteti, Iocundi, Saturnini, Vitalis, Felicis, Fortunati. Rabanus & MS. S.Maximini Treuiris: Natale Epistici, Iocundi, Secundi, Saturnini, Vitalis, Felicis, Rustici, Quincti, & Artaxes, (Rabanus vno verbo Etartaxes) Fortunati. Martyrol. MS. Lætiense: In Africa natale Sanctorum Iocundi, Quinti, Firmini, Saturnini. At Firminus Sanctis Smyrnensibus adiungitur ab aliis, vt titulo sequenti dicemus. MS. Martyrol. Adonis monasterij S. Laurentij Leodij: In Africa Epicteti, Iocundi. Item ….. & S. Saturnini. MS. Florarium: In Africa Epicteti & Iocūdi. Item S. Saturnini. MS. S.Martini Tornaci: In Africa natalis Epictiti, Iocundi, Quincti. Carthus. Colon. in Addit. ad Vsuard. In Africa, Iocundi, Quinti, Saturi (forte Saturnini) Martyrum. Galesinius: In Africa sanctorum Martyrum Epitheti (in Notis Epitectum vocat) & Saturnij. citat MS. codicem. Quidam ex his commemorantur quoque in antiquissimo Hibernico martyrologio conuentus Dungalensis.

[2] Martyrologium Romanum: In Africa sanctorum Martyrum Epicteti, Iucundi, Secundi, Vitalis, Felicis & aliorum septem. Fuit, inquit Baronius in Notis ad Martyrologium Romanum, Epictetus Episcopus Assuritanus in Africa, ad quem extat S. Cypriani epist. 64. Passus est cum sociis sub Decio Imperatore. Ita ille. Eum ad quem scribit Cyprianus, Episcopum Assuritanum fuisse coniicit Pamelius; Cyprianus tantum fratrem appellat. Nec est argumentum, quo probemus Epictetum illum esse, qui hoc die colitur.