[Commentarius]

Iulianus, Martyr apud Andegauos in Gallia (S.)

Egimvs supra de S. Iuliano Martyre Sardo. Alium hoc ipso die refert Andreas Saussayus in Martyrologio Gallicano, his verbis: In tractu Andegauensi natalis S. Iuliani Martyris, cuius corpus in asceterio seu Prioratu S. Ioannis ad Ligerim quiescit condigno cum honore. Nihil alibi de eo reperi. Hic, an Sardus ille, a Martyrologio Romano celebretur, non diuino: ab illo diuersum esse hunc constat, cum vtrobique corpus extet.