Ökumenisches Heiligenlexikon

DE S. SALVIO MARTYRE IN AFRICA.

[Commentarius]

Salvius, Martyr in Africa (S.)

[1] Hvivs omnia Latinorum Martyrologia meminere; vetus Romanum, Adonis, Bedæ, Vsuardi, Notkeri, Rabani, Bellini, Maurolyci, Galesinij, &c. adduntq; in eius natali sermonem a S. Augustino habitum ad populum Carthaginensem; [S. Saluij natalis.] cuius meminit Posidius in Indiculo cap. 3. per natalem S. Saluij Martyris contra supradictos, &c. At cap. 9. meminit alterius, de natali S. Saluij tractatus. Eius corpus, vt scribit in Notis Galesinius, in basilica Carthaginensi honorifice religioseque olim reconditum fuit. De eo VVandelbertus:

Saluius hinc trinas Karthagine consecrat Idus.

Male MS. Cusanum, Saluimus. Bellinus, Maurolycus, & aliij, Siluium vocant: editio Parisien. Vsuardi anno 1536. male Salinium, & Lubecana anni 1475. Salinū: MS. Martyrol. monasterij S. Maximini Treuir. Sale. Perperam idem MS. & Rabanus Confessorem appellant, cum ceteri ex Posidio Martyrem fuisse tradant. Neque sat probatur quod MS. Martyrol. monasterij S. Martini Treuiris, & MS. Ecclesiæ S. Mariæ Vltraiecti habent Episcopum fuisse.

[2] Ne quis autem decipiatur, alius longe ab hoc est Saluius ille hæreticus Donatista, factionis Maximianistarum, [Alius Saluius, hæreticus.] Membresitanus in Africa Pseudoepiscopus, qui, vt refert S. Augustinus lib. 4. Contra Cresconium Grammaticum cap. 48. & 49. coram Serrano Procos. a Restituto itidem Donatista, sed alterius factionis, iam grauis ætate accusatus, atque a Procos. ex Bagaiensi Donatistarum synodo damnatus est. Sed cum pro defendendis ex quantacumque que parte sedibus suis, etiam post Procos.iudicatum, turbæ sibi fauentis (Membresitanorum scilicet) fiducia repugnare tentaret, victus aliquando comprehensus est ab Abitinensibus, [Hæretici in suos sæui.] non iam ducendus ad iudicium, vbi in partes fuerat prolata sententia, sed pompa miserabili triūphandus. Capto enim seni, mortuos canes alligauerūt in collo, & sic cum illo quantum libuit saltauerunt: & quidem, vt idem ait Augustinus lib. 3. contra epistolam Parmeniani cap. 6. ad turpes voces cantationesque plagasque & contumelias intulerunt. Non tamen narrat Augustinus ab iis occisum, vt vult Baronius in Notis hic, qui Pseudomartyrem appellat.





USB-Stick Heiligenlexikon als USB-Stick oder als DVD

Unterstützung für das Ökumenische Heiligenlexikon


Seite zum Ausdruck optimiert

Empfehlung an Freunde senden

Artikel kommentieren / Fehler melden

Suchen bei amazon: Bücher über Acta Sanctorum: Salvius

Wikipedia: Artikel über Acta Sanctorum: Salvius

Fragen? - unsere FAQs antworten!

Im Heiligenlexikon suchen

Impressum - Datenschutzerklärung



Aus: Societé des Bollandistes: Acta Sanctorum Bd. 1 - Ianuarii I., Antwerpen 1643 - zuletzt aktualisiert am 00.00.2014
korrekt zitieren:
Artikel
Die Deutsche Nationalbibliothek verzeichnet das Ökumenische Heiligenlexikon in der Deutschen Nationalbibliografie; detaillierte bibliografische Daten sind im Internet über https://d-nb.info/1175439177 und https://d-nb.info/969828497 abrufbar.

Sie könnnen mit Klick auf den Button Benachrichtigungen abonnieren und erhalten dann eine Nachricht, wenn es Neuerungen im Heiligenlexikon gibt: