Ex Martyrologio S. Hieronymi.

[Commentarius]

Primus Martyr (S.)
Idoneus. Martyr (S.)
Alii, fortasse filii. Martyres.

J. B. S.

Vtrum hi Martyres sint, dubitare jubet apposita particula, depositio. Tempus, patria, palæstra nusquam innotescunt. Fuerintne socii, an ambo, an alteruter filios habuerit, non magis constat. Hoc certum est, omnibus aliis Martyrologiis nostris tum Mss. tum typis editis ignotos esse. Quid de cetero cum aliqua verosimilitudine ex Hieronymianis erui possit, docebunt sequentia. Epternacense vetustissimum simpliciter legit: Depositio Idonii cum filiis; cui ferme accedit Blumianum. Sed de prioris mutilatione in hodiernis fastis suspicari jam licuit, inquit Florentinius, binos Lucenses codices allegans, ex quibus textum suum desumpsit, qui diserte signant: Et depositio primi, Idonii cum aliis, quæ est etiam annuntiatio Corbeiensis, quamque ut verosimillimam prætulimus. Corrigenda est Florentinii notatio, ubi ait, in vetustissimo Antverpiensi Primum tantum memorari cum filiis; quandoquidem in eo codice nec Primi nomen recurrat, in quo de mutilatione suspectum diximus. Quantum porro valeat ejusdem conjectura, de Primo & Idonio in Primidonii nomen conflandis, aliis expendendum relinquimus: nihil ipse immutare ausus est, neque nos audemus.

Diese Seite ist ein Dokument und unterliegt nicht der inhaltlichen Gestaltung durch das Ökumenische Heiligenlexikon.
Wir werden Fehler deshalb nicht korrigieren.
Wir verantworten nur die Veröffentlichung.