Ökumenisches Heiligenlexikon

DE S. ANTERO PAPA ET MARTYRE.


An. Chr. CCXXXVI.

[Commentarius]

Anteros, Papa Martyr Romae (S.)

[1] [S. Anteros Papa.] Anteros Papa, qui aliis Antherus, Anterus, Antherius, in sacros fastos pridem relatus, vt patet ex veteri Martyrologio Romano, Beda, Vsuardo, Adone, Bellino, Maurolyco, & ceteris.

[2] De eo hæc habet liber de Romanis Pontificibus: Anteros natione Græcus, ex patre Romulo, sedit annis XII. (expungunt alij annorum numerum) mense vno, diebus XII. martyrio coronatur. Fuit autem temporibus Maximini & Africani Coss. Hic gesta Martyrum diligenter a Notariis exquisiuit, & in Ecclesia recondidit: propter quod a * Maximo Præfecto martyrio coronatus est. Hic fecit ordinationem vnam per mensem Decembris, Episcopum vnum. (addit codex Baronij: Fundis in Campania.) Qui etiam sepultus est in cœmiterio Calixti, via Appia III. Nonas Ianuarij: & cessauit Episcopatus dies XIII. Philippus Ferrarius in Catalogo Sanctorum Italiæ tradit ex Petelia vrbe magnæ Græciæ maritima oriundum fuisse. [Ex Petelia vrbe ortus.]

[3] Porro de Martyrum Actis describi solitis ista habet Baronius tom. 2. an. 238. n. 2. [Acta Martyrū per 7. Notarios describi solita.] A Clemente Papa primum magna diligentia curatum fuit, vt a septem Notariis, per regiones Vrbis diuisis, gesta Martyrum scriberentur. Deinde Fabianus Papa, qui successit Antero, de quo est sermo, vt magis magisque historiæ veritati consultum foret, septem Notariis huic operi adscriptis, qui Acta Martyrum integra exciperent, septem præfecit Subdiaconos. Porro Notariorum opus fuisse existimamus, vt non ipsa tantum Acta, cruciatus nempe, diraque ac sæpius repetita tormenta describerent, sed etiam quæcumque iidem sancti Martyres locuti essent, dum caperentur, ac publice torquerentur; quæ item ad supplicia ducti, fuissent interlocuti, memoriæ commendarent.

[4] Illa autem quæ intra cancellos, obducto velo, coram iudicibus, cum de ipsis quæstio haberetur, iidem rogati dicerent; publicorum Exceptorum muneris erat, cuncta scriptis mandare, [Alia ab Exceptoribus redempta.] & inter publica Acta referre: quæ cum agerentur in prouinciis Proconsularia ab Augustino & aliis dicta reperimus. Porro hæc ipsa, vel horum potius exemplum, a Christianis collata pecunia redimi solebant, & inter Acta Martyrum sedulo asseruari. Quæ vero extra cancellos cum Martyribus agerentur vel dicerentur, ab Ecclesiæ Notariis, magna adhibita cautela, consuetis notis quam celerrime tabulis adnotabantur. Hæc Baronius. Olim S. Anteros festo simplici colebatur, vt ante diximus.

[Annotatum]

* Baron. Maximini.





USB-Stick Heiligenlexikon als USB-Stick oder als DVD


Seite zum Ausdruck optimiert

Empfehlung an Freunde senden

Artikel kommentieren / Fehler melden

Suchen bei amazon: Bücher über Acta Sanctorum: Anterus

Wikipedia: Artikel über Acta Sanctorum: Anterus

Fragen? - unsere FAQs antworten!

Im Heiligenlexikon suchen

Impressum - Datenschutzerklärung



Aus: Societé des Bollandistes: Acta Sanctorum Bd. 1 - Ianuarii I., Antwerpen 1643 - zuletzt aktualisiert am 16.12.2014
korrekt zitieren:
Artikel
Die Deutsche Nationalbibliothek verzeichnet das Ökumenische Heiligenlexikon in der Deutschen Nationalbibliografie; detaillierte bibliografische Daten sind im Internet über http://d-nb.info/1175439177 und http://d-nb.info/969828497 abrufbar.

Sie könnnen sich mit Klick auf den Button Benachrichtigungen abonnieren und erhalten dann eine Nachricht, wenn es Neuerungen im Heiligenlexikon gibt:


Sollte hier eine Anzeige erscheinen, deren Anliegen dem unseren entgegensteht, benachrichtigen Sie uns bitte unter Angabe der URL dieser Anzeige, damit diese Werbung nicht mehr erscheint.
Lesen Sie vorher bitte unsere Erläuterungen auf der Seite Warum Werbung und wie sie funktioniert.