Circa An.Chr. CL.

[Commentarius]

Celsus, Episcopus Treuirensis (S.)

Celsi, quinti Treuirorum Episcopi hodie natalem, XXIII. Februarij Inuentionem celebrari tradit Martyrologium Germanicum. Eius præterea hoc die meminit Vsuardi editio Coloniensis anno 1521. Maurolycus, MS. S. Mariæ Vltraiecti, MS. Florarium; sed in hoc Martyr, in aliis Confessor appellatur. Cratepolius Hyginij Papæ æqualem facit. Brouvverus noster in Annalibus, Auspicio, anno Christi CXLI. ait succeßisse. Ioannes Euen in Epitome gestorum Treuirorum, ait genere clarum fuisse, animo sublimem, vt nomini videlicet suo responderet. Editio Martyrologij Vsuardi Colonien. anni 1490. Treuiris S. Celsi Episcopi & Confessoris Christi; qui in cœmiterio S. Eucharij requiescit. XXIII. Februarij de eius Inuentione agemus.