Circa an. Chr. M. XLIII.

[Commentarius]

Clarus, Monachus Salighenstadiensis in Germania (S.)

[1] [S. Clari Salighenstadiensis nomen in Martyrologiis.] Hvivs sancti viri nomen extat Martyrologiis monasticis inscriptum, (vt videre est apud Hugonem Menardum, Arnoldum VVion, aliosq;,) vti & Philippi Ferrarij catalogo. Sed mirum est ab illis Abbatem appellari, quem Trithemius solum monachum vocat; qui in chronicis monasterij Hirsaugiensis ita scribit:

[2] Floruit circa annum Christi M. XLIII. Clarus monachus Sanctorum Marcellini & Petri in Selgenstadt Moguntinensis diœcesis, nostri ordinis, [Prophetiæ dono claruit inclusus.] vir doctus & religiosissimæ conuersationis: qui in eodem loco pro Dei amore inclusus orationi & contemplationi vacans die ac nocte spiritum prophetiæ consecutus asseritur. Cuius festus dies agitur Kalendis Ianuarij. Hæc Trithemius. Non legitur quidem de eo officium vllum in Saligenstadiensi monasterio, celeberrima tamen est eius sanctitatis memoria. Quo loco eius conditæ sint reliquiæ ignoratur.