Ökumenisches Heiligenlexikon

DE S. ISIDORO EPISCOPO ET CONFESSORE, IN ÆGYPTO.


Secvlo IV.

[Commentarius]

Isidorus, Episcopus Confessor in Aegypto (S.)

[1] Testatvr S. Hieronymus epist. 27. ad Eustochium, siue in vita S. Paulæ viduæ, [S. Isidorus occurrit S. Paulæ.] XXVI. Ianuar. cap. 12. ei Patrum Aegyptiorum adeunti mansiones, sanctum ac venerabilem Episcopum Isidorum Confessorem occurrisse, cum turbis innumerabilibus monachorum, ex quibus multos Sacerdotalis & Leuiticus sublimabat gradus.

[2] [Colitur 2. Ianuar.] Huius Isidori memoria occurrit in Romano Martyrologio II. Ianuar. Nitriæ in Ægypto B. Isidori Episcopi & Confessoris. In quæ ita commentatur Baronius: Cum S. Hieronymus hunc Confessorem appellet; ne quid lateat, sciendum est, [Qui olim Confessores dicti.] diuersa admodum significatione a præsentis temporis vsu hanc vocem a maioribus vsurpatam. Illi enim neminem eo nomine appellabant, nisi eum qui Christi fidem interpellatus coram fidei hostibus confessus esset. Si vero aliquod genus tormentorum esset expertus, nec tamen martyrio occubuisset; tunc & Martyr vocatus, idemque aliquando etiam dictus reperitur Confessor, quod scilicet nondum martyrium consummasset. Licet si vim harum vocum expendas, eædem sint; nihilominus tam apud Tertullianum, quam etiam Cyprianum & alios plerosque antiquorum, eo sensu, quo diximus, eas voces accipi consueuisse, perspectum satis, exploratumque habetur. Consule, si hæc exactius scire cupis, in primis Cypriani epist.7.9.10.15.30.35.52. & 81. edit. Pamelij, qui eadem adnotauit in scholiis epist.9. vir quidem etsi facie mihi incognitus, eruditione tamen satis perspectus.

[3] [Qui Professores.] Iuxta eiusdem Cypriani sententiam, qui non interpellatus se martyrio ingerebat, hic dicebatur Professor. Si adhuc autem quis timore correptus, ne fidem proderet, sua suosque relinquens, exilio spontaneo procul a patria vitam ageret, hic appellabatur Extorris: [Qui Extorres.] cuius non erat despicienda conditio; nam & in numero Martyrum recensendus erat, [Martyr etiam qui in fuga mortuus.] si ea de causa mortem oppetiisset. Hæc omnia more maiorum, atque vetusto loquendi genere. Obtinuit postmodum vsus, vt omnes qui sancta & laudabili vita vixissent, sanctoque demum ac probato fine in Domino quieuissent, [Qui iam Confessores.] Confessores appellarentur. Hactenus Baronius.

[4] Sunt qui hunc eumdem esse existiment cum Isidoro qui Antiochiæ coli dicitur in Martyrologio Romano, de quo supra hoc ipso die.





USB-Stick Heiligenlexikon als USB-Stick oder als DVD


Seite zum Ausdruck optimiert

Empfehlung an Freunde senden

Artikel kommentieren / Fehler melden

Suchen bei amazon: Bücher über Acta Sanctorum: Isidor von Ägypten

Wikipedia: Artikel über Acta Sanctorum: Isidor von Ägypten

Fragen? - unsere FAQs antworten!

Im Heiligenlexikon suchen

Impressum - Datenschutzerklärung



Aus: Societé des Bollandistes: Acta Sanctorum Bd. 1 - Ianuarii I., Antwerpen 1643 - zuletzt aktualisiert am 00.00.2014
korrekt zitieren:
Artikel
Die Deutsche Nationalbibliothek verzeichnet das Ökumenische Heiligenlexikon in der Deutschen Nationalbibliografie; detaillierte bibliografische Daten sind im Internet über http://d-nb.info/1175439177 und http://d-nb.info/969828497 abrufbar.

Sie könnnen sich mit Klick auf den Button Benachrichtigungen abonnieren und erhalten dann eine Nachricht, wenn es Neuerungen im Heiligenlexikon gibt:


Sollte hier eine Anzeige erscheinen, deren Anliegen dem unseren entgegensteht, benachrichtigen Sie uns bitte unter Angabe der URL dieser Anzeige, damit diese Werbung nicht mehr erscheint.
Lesen Sie vorher bitte unsere Erläuterungen auf der Seite Warum Werbung und wie sie funktioniert.