[Commentarius]

Pompeianus, Martyr Calari in Sardinia (S.)

[1] Seraphinvs Esquirrus Ordinis Capucinorum Theologus, lib. I. Sanctuarij Calaritani, [Reliquiæ S. Pompeiani inuentæ.] siue historicæ narrationis inuentarum Calari Reliquiarum anno Christi MDCXIV. & aliquot sequentibus, Calari excusæ an. MDCXXIV. testatur, in basilica S. Saturnini (de quo XXX. Octobris agemus) iuxta vrbem Calaritanam, repertam ex albo marmore tabulam, tres palmos longam, duos latam, intra parietem basilicæ inclusam; sub qua arca erat lapidea, quæ sacras Martyris exuuias continebat; tabulæ vero hæc incisa legebatur epigraphe:

HIC IACET B. M. POMPEIANVS
QVI VIXIT ANNIS PLVS MINVS
XXVI. REQVEVIT IN PACE
VI. IANVARII.

Ex signo transfixi cordis colligit Auctor Martyrem fuisse, [Videri martyrem fuisse.] probatq; pluribus in eodem libro exemplis.

[2] Franciscus Esquivelius, Archiepiscopus Calaritanus, in Relatione inuentarum sacrarum Reliquiarum, missa ad Paulum V. Pontificem Maximum, excusa Neapoli anno MDCXVII. S. Pompeiani quoque meminit.