Ökumenisches Heiligenlexikon

DE S. SEVERO MARTYRE RAVENNÆ.


An Chr. CCCIV.

[Commentarius]

Seuerus, Martyr Rauennae (S.)

Ex variis Avctor.

Sanctum Seuerum Rauennatem Episcopum, quem Kalendis Februarij Ecclesia celebrat, Kalendis Ianuarij quædam referunt Martyrologia; hinc fortaßis nato errore, [S. Seuerus Martyr diuersus a S. Seuero Episcopo.] quod cum hoc die S. Seuerus martyrium Rauennæ subierit, eum cum altero multo celebriori & Episcopo auctores quidam confuderunt. Et Maurolycus quidem Episcopum & Martyrem appellat eum qui Kalendis Ianuarij colitur, vti & MSS. Martyrologia duo, Bedæ nomine insignita, alterum domus Professæ Societatis Iesv Antuerpiæ, [Eius in Martyrologiis memoria, sed vitiose, vt plurimum, expressa.] alterum Ecclesiæ S. Lamberti Leodij; item MS. Florarium Sanctorum Martyrol. Coloniense vetus solum Episcopum; quædam MSS. Episcopum & Confessorem eum vocant. Martyrologium S. Hieronymi ista habet: Rauennæ depositio S. Seueri cum fratribus. iterum deinde Kalend. Februar. Rauenna, Seueri Episcopi. Quæ obscura; præsertim cum depositio vix soleat nisi de Confessore vsurpari. quid vero illud sibi vult Cum fratribus? deinde an duo fuere Seueri Episcopi Rauennates Confessores, in vnum deinde conflati; quorum vnus Marcellino Caij Papæ temporibus successerit, alter Agapito anno Christi 346. Constantio IV. & Constante III. Coss.

[Colitur I. Ianuarij.] Quidquid sit de ea quæstione, alius Rauennæ fuit Seuerus Martyr, quem Philippus Ferrarius in catalogo Sanctorum Italiæ, & in generali catalogo Sanctorum, Kalendis Februarij refert, testaturq; eius ob S. Seueri Confessoris solemnitatem officium differri. Ast Hieronymus Rubeus Kalendis Ianuarij mortem pro Christo oppetiisse asserit lib.2.Historiar.Rauen. Caio, inquit, subrogatus Marcellinus, & Marcellino Marcellus fuit. Quo tempore Seuerus Rauennas, alius ab Archiepiscopo, [Quando passus. Clarus miraculis & sanctitatis opinione.] e medio sublatus est ab Maximiano Augusto; qui decimus & postremus in Occidente Christianos persequebatur. Viri enim sancti prodigia, & vitam innocenter actam cum Maximianus accepisset, ob inueteratum in Christianos odium, captum, & sacrificare falsis diis renuentem, [Corpus Vrbeueteri seruatur, vt putat Rubeus.] vti diximus, interfici iussit Kal. Ianuarij: cuius cadauer nunc summa religione in Orbito, quam plerique veteribus Herbanum fuisse putant, ab incolis conseruatur, & colitur. Hoc loco, mea quidem sententia, Franciscus Maurolycus Messanensis Abbas manifeste aberrasse deprehenditur, qui in suo Martyrologio, hunc fuisse Episcopum scribat: & longe magis Ferrettus, qui hunc Seuerum cum illo confundat, qui fuit Ecclesij Archiepiscopi fratris filius.

[Negat Ferrarius.] Falli Rubeum ait Ferrarius: non enim huius Seueri extare Vrbeueteri reliquias, sed alterius qui XV. Februarij & 1.Octob. colitur. Petrus de Natalib.lib.3.cap.66. S. Seuerum Martyrem & S. Seuerum Presbyterum, illum qui XV. Februarij colitur, in vnum conflauit.





USB-Stick Heiligenlexikon als USB-Stick oder als DVD


Seite zum Ausdruck optimiert

Empfehlung an Freunde senden

Artikel kommentieren / Fehler melden

Suchen bei amazon: Bücher über Acta Sanctorum: Severus von Ravenna

Wikipedia: Artikel über Acta Sanctorum: Severus von Ravenna

Fragen? - unsere FAQs antworten!

Im Heiligenlexikon suchen

Impressum - Datenschutzerklärung



Aus: Societé des Bollandistes: Acta Sanctorum Bd. 1 - Ianuarii I., Antwerpen 1643 - zuletzt aktualisiert am 00.00.2014
korrekt zitieren:
Artikel
Die Deutsche Nationalbibliothek verzeichnet das Ökumenische Heiligenlexikon in der Deutschen Nationalbibliografie; detaillierte bibliografische Daten sind im Internet über http://d-nb.info/1175439177 und http://d-nb.info/969828497 abrufbar.

Sie könnnen sich mit Klick auf den Button Benachrichtigungen abonnieren und erhalten dann eine Nachricht, wenn es Neuerungen im Heiligenlexikon gibt:


Sollte hier eine Anzeige erscheinen, deren Anliegen dem unseren entgegensteht, benachrichtigen Sie uns bitte unter Angabe der URL dieser Anzeige, damit diese Werbung nicht mehr erscheint.
Lesen Sie vorher bitte unsere Erläuterungen auf der Seite Warum Werbung und wie sie funktioniert.