Ex Menologio, jussu Imperatoris Basilii collecto.

Seculo II

[Commentarius]

Hyacinthus Martyr ex Phrygia (S.)

J. P.

[1] Menæa Græcorum impressa duos eodem die, non secundo, sed tertio hujus mensis Julii, Hyacinthos commemorant. Et semel quidem annuntiant celebritatem sancti Martyris Hyacinthi, tam a Nostro, quo de hic agimus, [Cultus sacer,] quam ab alio jam dicto distincti, per cognomentum Cubicularii, quod ibidem additur. Præter perbrevem gloriosi Pugilis nostri annuntiationem, hisce verbis in Basiliano Menologio expressam, nullum alibi ad hanc diem de eo vestigium invenire licuit. Sequens ibidem in ejus laudem contexitur elogium.

[2] Sanctus Christi Martyr Hyacinthus e regione Phrygiæ ortum duxit; [elogium,] in qua etiam pietatem edoctus est. Ad urbem Cumanam profectus, morbidos sanavit in nomine Christi. Agnitum illum idololatræ comprehenderunt, & provinciæ præfecto tradiderunt. Coactus, sed neutiquam persuasus, ut idolis immolaret, equuleo tortus est; Deumque precatus, Præsidem tradidit spiritui immundo; & edito miraculo, ipsum, in Christum credentem, sanavit. Liber dimissus, at postea a Cumæis captus, ac cruciatus est. Postquam orasset iterum, urbemque concussisset, ac idola contrivisset, multis persuasit, ut in Christum crederent. Post hæc a præside Clearcho comprehensus, cruribus diffractis in carcere conclusus fuit. Unde liberatus, postquam omnem circumquaque percurrisset regionem, ac ægrotos sanasset, æger ipse factus, ad Dominum migravit.

[3] [tempus martyrii.] Si idem Clearchus a Baronio recensitus in Annal. Eccl. ad annum 189, qui sub imperatore Commodo floruit, ejusque jussu præfectum Perennem e medio sustulit, si idem, inquam, sit, Clearchus iste cum eo, quem in elogio superiore memoravimus, non obscuram temporis, quo sacrum certamen ab Hyacintho nostro exantlatum fuit, notam characteristicam habemus; videlicet versus finem seculi secundi. De Martyre nostro tantum est De duobus aliis Hyacinthis supra memoratis agetur III hujus.

Diese Seite ist ein Dokument und unterliegt nicht der inhaltlichen Gestaltung durch das Ökumenische Heiligenlexikon.
Wir werden Fehler deshalb nicht korrigieren.
Wir verantworten nur die Veröffentlichung.