Ex Martyrologio S. Hieronymi.

[Commentarius]

Severianus. Martyr Antiochiæ (S.)
Zoëlus. Martyr Antiochiæ (S.)
Epasus. Martyr Antiochiæ (S.)

J. B. S.

En alteram Martyrum classem, quæ in solis Hieronymianis majoribus apud laudatum Florentinium integra reperitur: In Antiochia, Severiani, Zoëli, Epasi. Apographum Epternacense, ultimum nomen corripit, pro Epasi scribens Pasi, haud dubie amanuensis oscitantia. Recte advertit Florentinus, hos Martyres, reliquis editis huc usque Martyrologiis ignorari, nam neque in Bedæ, aut Adonis, aut Usuardi auctariis, neque apud Rabanum aut Notkerum signatos usquam reperias. Quam vero mutili passim sint codices illi, quos Hieronymianos parvos appellamus, collige ex sæpe citata præfatione Usuardina num. 29 & 30, ubi apographum Richenoviense, aliis paulo correctius, habet: In Antiochia, Severiani: Gellonense autem, Augustanum & Labbeanum, nomen quidem Severiani referunt, sed ita aliis immixtum, aut loco deturbatum, ut ex ipsis Severiani solius positionem seu palæstram cognoscere omnino nequeas. Nihil aliunde subsidii occurrit, quo de Antiochenis illis plura tradamus., & certe frustra alibi quæreretur.

Diese Seite ist ein Dokument und unterliegt nicht der inhaltlichen Gestaltung durch das Ökumenische Heiligenlexikon.
Wir werden Fehler deshalb nicht korrigieren.
Wir verantworten nur die Veröffentlichung.