Ex antiquis Martyrologiis.

[Commentarius]

Crispinus, Martyr in Africa (S.)

G. H.

Tertio loco: memoratur hic Martyr in quatuor Martyrologii Hieronymiani vetustis apographis: In Africa Crispini. Quæ eadem leguntur in pervetustis Mss. Richenoviensi, Romano duplici Cardinalis Barberini, Trevirensi S. Maximini, & alio Reginæ Sueciæ præcitato, in quo ita legitur: In Africa natalis S. Crispini. Ast omissa palæstra memoratur S. Crispinus in Mss. Augustano S. Udalrici, & Parisiensi Labbei, & Pragensi: at Crispinus in Ms. Aquisgranensi, & Crispus apud Grevenum in Auctario Usuardi. Atque hæc in codicibus reperta sufficiunt, ut illius Martyris a nobis recolatur memoria inter Sanctos alios hujus diei, donec aliunde affulgeat aliquid amplioris lucis.