Ökumenisches Heiligenlexikon

DE PLURIMIS SANCTIS MARTYRIBUS, ANTIOCHIÆ PASSIS.
Circa tempus Martyrii, ex Eusebio Conjectura.


CIRCA AN. CCC.

[Commentarius]

Plurimi Martyres Antiochie (SS.)

G. H.

Celebravimus cum Martyrologio Romano, ad diem XI Martii, commemorationem plurimorum sanctorum Martyrum, qui Antiochiæ, mandato Maximiani Imperatoris, sævissimis affecti suppliciis, [Videntur passi] ad palmam martyrii pervenerunt. At modo, cum pervetusto Synaxario Ecclesiæ Constantinopolitanæ (quod spectat ad Collegium Claromontanum Societatis Iesu Parisiis) exhibemus multitudinem Martyrum, ibidem sub Decio Imperatore coronatorum. Verba Synaxarii sunt ista: Καὶ τῶν ἁγίων μυρίων τῶν ἀθλησάντων ἐν Ἀντιοχεία ἐπὶ τῆς βασιλείας τοῦ δυσσεβοὺς Δεκίου. [sub Decio Imp.] Ubi τὰ μύρια per se significant decem millia, sed illo nomine etiam copiosa multitudo indeterminata absque ullo certo numero intelligitur, sicut apud Latinos sexcenta dicere usitatum est. Indicatur ergo commemoratio Sanctorum quamplurimorum Athletarum, qui Antiochiæ sub Imperio impii Decii certaverunt. Fuit hæc septima in Christianos persecutio, anno Christi CCL excitata; qua inveteratum in Christianos odium Gentilium, omnes sub Romano Imperio sitas inundavit Ecclesias, ut e sententia Baronii de ea merito dici potuerit: Nisi abbreviati fuissent dies illi, [sæviente quam maxime persecutione,] non fuisset salva omnis caro. In hac persecutione Decii, teste Eusebio lib. 6 cap, 32, martyrium subierunt S. Fabianus Papa Romæ XX Ianuarii, S. Alexander Episcopus Hierosolymorum Cæsareæ in Palestina XVIII Martii, & quod huc potißimum spectat, S. Babylas Episcopus Antiochenus XXIV Ianuarii, quando horum Acta illustravimus. Horum meminisse videbatur sufficere, ut possent huic tempori applicari, quæ de Martyribus sub Diocletiano paßis scripsit Eusebius his verbis: Quid nunc opus est reliquos nominatim commemorare, [teste Eusebio.] aut multitudinem hominum recensere? Et deinde: Ea quæ Antiochiæ gesta sunt, quid opus est in memoriam revocare? & similia, quæ ad citatum supra XI Martii retulimus. Forte de hisce Sanctis Martyribus, aliquibus saltem, etiam nominibus expreßis, in hoc opere nostro ex antiquis fastis mentio fiet: tamen, ne memoria illorum deficiat, judicavimus illorum venerationem communem, in Ecclesia Constantinopolitana ab annis septingentis aut etiam pluribus solitam celebrari, Lectori hic proponendam.





USB-Stick Heiligenlexikon als USB-Stick oder als DVD


Seite zum Ausdruck optimiert

Empfehlung an Freunde senden

Artikel kommentieren / Fehler melden

Suchen bei amazon: Bücher über Acta Sanctorum: Märtyrer in Antiochia

Wikipedia: Artikel über Acta Sanctorum: Märtyrer in Antiochia

Fragen? - unsere FAQs antworten!

Im Heiligenlexikon suchen

Impressum - Datenschutzerklärung

Unser Reise-Blog:
 
Reisen zu den Orten, an denen die
Heiligen lebten und verehrt werden.


Aus: Societé des Bollandistes: Acta Sanctorum Bd. 1 - Iunii I., Antwerpen 1695 - zuletzt aktualisiert am 00.00.2014
korrekt zitieren:
Artikel
Die Deutsche Nationalbibliothek verzeichnet das Ökumenische Heiligenlexikon in der Deutschen Nationalbibliografie; detaillierte bibliografische Daten sind im Internet über http://d-nb.info/1175439177 und http://d-nb.info/969828497 abrufbar.



Sollte hier eine Anzeige erscheinen, deren Anliegen dem unseren entgegensteht, benachrichtigen Sie uns bitte unter Angabe der URL dieser Anzeige, damit diese Werbung nicht mehr erscheint.
Lesen Sie vorher bitte unsere Erläuterungen auf der Seite Warum Werbung und wie sie funktioniert.