Circa an. Chr. D. XL.

[Commentarius]

Agrippinus, Episcopus Augustodunensis in Gallia (S.)

[1] Decimvs octauus Aeduorum Episcopus Agrippinus fuit, vt habet Claudius Robertus. Eius Kalendis Ianuarij natalem refert Martyrologium MS. S. Hieronymi, sed quod vel hinc patet auctum eße; ita habet: Augustoduni, [S. Agrippinus Episcop. Augustodun.] deposito Agrippino Episcopi. Interfuit S. Agrippinus Concilio II. Aurelianensi anno DXXXIII. & III. anno DXXXVIII.

[2] [S. Germanum Parisiensem consecrat Presbyterum.] Meminit illius Fortunatus in vita S. Germani Parisiaci 28. Maij: At Dominus Germanus intra terni lustri spatium a B. Agrippino Diaconus instituitur, & sequenti triennio Presbyter ordinatur. Idem refert Aimoinus lib. 1.cap.24. Nondum sedebat S. Agrippinus anno DXVII. quo Epaonensi Concilio subscripsit Pragmatius Episcopus Augustodunensis. Neque peruenit ad DXLIX. quo, Concilio Aurelianensi V. subscripsit Nectarius Episcop. Augusto dunensis.