[Commentarius]

Aldus, eremita Papiae in Italia (S.)

[1] Ferrarivs in catalogo generali Sanctorum isthæc scribit, IV. Id. Ianu. Papiæ S. Aldi eremitæ. Ast in catalogo Sanctorum Italiæ: S. Aldus quando & vbi vixerit, adhuc scire minime potui: eius corpus Papiæ primum in sacello S. Columbani conditum fuit, inde in basilicam S. Michaelis translatum est, ibique natalis eius celebrati solet. Meminere illius Iacobus Gualla lib.6.cap.8. Sanctuarij, Stephanus Breuentanus lib.3. histor. Ticinensis; qui tamen corpus in cathedrali ecclesia quiescere scribunt; & Arnoldus VVion lib. 3. ligni vitæ in additionibus: ex quo loco, S. Aldum monachum Bobiensem vitam eremiticam in finitimis locis egisse, coniici potest. Hæc Ferrarius. De Bobio illustri monasterio agemus XXI. Nouemb. ad vitam S. Columbani.