[Commentarius]

Alexander, Episcopus Firmanus, Martyr in Piceno (S.)

Martyrologivm Romanum: III.Id Ianuarij, Firmi in Piceno S. Alexādri Episcopi & Martyris. Acta eius videntur intercidisse, vrbe Firmana a Frederico I. Imperatore incensa. Hæc de eo scribit Ferrarius in catalogo Sanctorum Italiæ, & ex tabulis Ecclesiæ Firmanæ: Alexander Firmanus patria, ex Sinigarda familia fuisse traditur: qui factus Firmanæ Ecclesiæ Episcopus, ab hostibus fidei Catholicæ, haud procul ab vrbe, in via quæ ad cœnobium S. Sauini ducit, ob eiusdem fidei defensionē interfectus, martyrio coronatus est. Cuius corpus in basilica Metropolitana, in arca marmorea conditum quiescit: vbi epitaphium litteris Longobardicis scriptum hoc legitur: Hic iacet reconditvm beatissimvm corpvs gloriosi Martyris et Episcopi Alexandri. Cuius memoria III. Id.Ianuarij Firmi celebratur, prout in Romano Martyrologio annotatur.