[Commentarius]

Cresconius, Martyr in Aegypto (S.)
Menelaus, Martyr in Aegypto (S.)
Alii Martyres in Aegypto
Zeno, Martyr in Aegypto (S.)

Plures nobis Menelaos ac Zenones exhibent sacri fasti, at non simul. His Cresconius iungitur, & alij. Ita vetustißimum MS. S. Hieronymi: In Ægypto Crisconi, Tyrsi, Lauci, Gauniti, Zenonis, Menelai. MS. Hibernicum Conuentus Dungalensis: Cisconi, Tirsij, Celaui, Lauci, … nitij. MSS. monasteriorum Lætiensis & S. Martini Tornaci: Eodem die in Ægypto sanctorum Martyrum Crisconi & Tyrsi. at MS. Rhinovv. In Ægypto Cresconij, Genonis. Memoratur alius Thyrsus, qui videtur martyrium Alexandriæ fecisse, XXXI. Ianuarij, sed cum aliis. Thyrsus, Leucius, Callinicus, quorum Acta XXVIII. Ianuarij dabimus, aliis huius mensis diebus, incertum qua caußa, in variis Martyrologiis referuntur: propterea omisimus hic Thyrsum, Laucum, Gaunitum; ne iidem fortaßis sint, licet magis opinemur diuersos esse.