[Commentarius]

Telesphorus, Martyr in Africa (S.)
Acutius, Martyr in Africa (S.)
Florus, Martyr in Africa (S.)
Ianuaria, Martyr in Africa (S.)
Iocundus, Martyr in Africa (S.)
Marcus, Martyr in Africa (S.)
Petrus, Martyr in Africa (S.)

Ex variis.

[1] De his antiquissimū S. Hieronymi MS. Martyrologium VI. Ianuarij: In Africa Telesphori, Flori, Iocundi, Petri, Marci, Acuti, Ianuariæ. Quidam his cognomines V. Ianuarij habentur in eodem Martyrologio, & forte iidem, vt supra monuimus. MS. Rhinovviense perantiquum: In Africa Telesphori, Acuti, Ianuariæ. Notkerus: In Africa Flori, Iocundi, Petri, Marci, Acuti, Ianuariæ. Carthusiani Colonienses in Addit. ad Vsuardum: Item Petri & Marci.

[2] Videntur ex eorum esse numero, de quibus Martyrologium Romanum hoc die: In Africa commemoratio plurimorum Sanctorum Martyrum, qui in persecutione Seueri ad palum alligati, igne consumpti sunt. Hæc oculis spectasse, qui tum viuebat, Tertullianum putat Ludouicus Lacerda Noster, ideoq; scribere in Apologetico cap.50. Licet nunc sarmentitios & semaxios appelletis, quia ad stipitem dimidij axis reuincti sarmentorum ambitu exurimur. Ex quo a gentilibus in nos contorto agnomine patet frequens illud fuiße supplicum.