[Commentarius]

Theodorus, Martyr Calarlin Sardinia (S.)

Tradit Seraphinus Squirrus Sanctuarij Calaritani parte 1. lib. 3. cap. 1. dum subterranea basilica S. Restitutæ mundaretur, terraq; egereretur; [Inscriptio sepulchri S. Theodori.] repertam esse, inter alia isthic conditorum Sanctorum monumenta, tabulam marmoream, magnitudine palmi ac semis; cui hæc insculpta erant verba:

✠ IK IAKET B. M. THE
ODORVS OPT. QVI
VIXIT AN. PLV
MN. XXXXV REQVI
EBIT IN PAKE. NO
NIS IANVARII IND. IIII. ✠

Obseruat idem auctor, vt hic Theodoro titulus Optimi tribuitur, ita alibi legi: S. Restitutus fidelis, Sanctus Acaius qui vixit pius & iustus; Sanctus Guisitanus Pius. Coniicit vero non solum gente Sardum fuisse, & Calari passum, sed videri eadem, qua S. Restitutam S. Eusebij Vercellensis matrem, tempestate martyrium subiisse. [Vulgo Santu Teru dicitur.] Quæ vero ab antiquo S. Theodori nomine dedicatæ visuntur in Sardinia Ecclesiæ, qui vulgo Santu Teru appellatur, huic ait videri Sancto erectas. Talem extare Barumini oppido nobilißimæ Zapatarum domus, quæ Patribus Capucinis tradita est, ædificato iuxta eam a Leonora Zapata & filiis Monasterio. Demum in eadem S. Restitutæ crypta fuisse conditas S. Theodori reliquias, [Vbi sepultus.] etsi necdum repertæ sint, extra quæstionem ponit idem Seraphinus. De S. Restituta agemus XV. Iunij.