[Commentarius]

Claudon, Martyr (S.)
Diogenius, Martyr (S.)
Eugenes, Martyr (S.)
Eugentus, Martyr (S.)
Pinna, Martyr (S.)
Rhodon, Martyr (S.)
Rhodus, Martyr (S.)

Martyrologivm S. Hieronymi: Et in ciuitate Tomis Claudonis, Eugenis, Rhodi, trium fratrum Argei, Narcissi, & Marcellini pueri Christiani & Diogini, Eugenti, Rhodonis, Primæ. Quæ, vt plurima alia in eo Martyrologio, obscura sunt; fortaßis etiam transposita, vt legendum sit: Rhodi, Claudonis, Eugenis. Et in ciuitate Tomis trium fratrum, &c. An iidem Claudon, Eugenes, Rhodus, cum iis, qui mox subduntur, Diogenio, Eugento, Rhodone? deinde an Christiani coniungendum est cum pueri? an nomen Sancti est? Christianum omitto, donec maior mihi lux aliunde affundatur. De Argæo, Narcisso, & Marcellino egimus II. Ianuar. An ceteri cum ipsis paßi, an Tomis, an alibi, non est vnde coniiciam.

Vsuardi editio Coloniensis Claudonem habet; sed Claudionem vocat, coniungitq; cum Martiale & Cirico, de quibus ante egimus.