Anno CCCLXII.

[Commentarius]

Priscus, Presbyter Martyr Romae (S.)
Benedicta, Martyr Romae (S.)
Priscillianus, Diaconus Martyr Romae (S.)

Horum Martyrum Acta interciderunt, præter paucula, quæ in S. Pigmenij & sociorum qualibuscumque Actis XXIV. Martij recensentur: eorum tamen meminere cuncta Latinorum Martyrologia. [Horum Acta interciderunt.] Vetus Romanum: Romæ martyrum Prisci Presbyteri, & Priscilliani, & Benedictæ. Vsuardus: Romæ Sanctorum Prisci Presbyteri, & Priscilliani Clerici, ac Benedictæ religiosæ (quædam MSS. gloriose) qui sub tempore Iuliani Imperatoris gladio martyrium compleuerunt. Eadem fere habent Beda, Ado, Notkerus, Bellinus, Martyrol. Romanum, Maurolycus, Galesinius, [Passi sub Iuliano.] MS. Florarium Sanctorum, Constantinus Ghinius in Natalibus Sanctorum Canonicorum, Vincentius lib.14. cap.38. Petrus de Natalibus lib. 2. cap. 42. Ferrarius in Catalogo Sanctorum Italiæ. Colitur Carthagine in Hispania V. Ian. S. Priscillianus M. officio duplici. Dubitat Ferrarius; an is sit qui hic Romæ passus dicitur.