[Commentarius]

Theoctistus, Abbas in Sicilia (S.)

De hoc sancto Abbate Octauius Caietanus noster in Idea operis de Sanctis Siciliæ: In Sicilia in monasterio Cucumi S. Theoctisti Abbatis. Citat Græcorum Menologium. Aliud id esse Menologium oportet ab eo quod Henricus Canisius vulgauit, in quo nullum Theoctistum Abbatem reperio. Ferrarius tradit vixisse circa annum Christi DCCC. Molanus in Addit. ad Vsuardū: Die quarta S. Theoctisti Ducis (forte monachorum, inquit, id est Abbatis) in Cucumo. An idem fit Theoctistus, [Alius Theoctistus 8. Ianuar.] quem VIII. Ianuarij ex Menæis dabimus, addubitat noster Raderus. Mihi diuersus ab eo videtur. Nam hunc etiam V. Ianuarij eadem habent Menæa: Commemoratio S.P.N.Theoctisti: alterum vero etsi monachum fuisse ex adiuncto tetrasticho coniici fortaßis queat; non tamen eodem modo refertur cum illa honorifica appellatione, S.P.N. Vtriusque mihi ignotæ sunt res gestæ.