Sollte hier eine Anzeige erscheinen, deren Anliegen dem unseren entgegensteht, benachrichtigen Sie uns bitte unter Angabe der URL dieser Anzeige, damit diese Werbung nicht mehr erscheint.
Lesen Sie vorher bitte unsere Erläuterungen auf der Seite Warum Werbung und wie sie funktioniert.


 


Ökumenisches Heiligenlexikon

Acta Sanctorum der Bollandisten
Einleitung Juni I           Band Juni I           Anhang Juni I

2. Juni


SECUNDA DIES IUNII.

SANCTI QUI QUARTA NONAS IUNII COLUNTUR.

Sanctus Pothinus seu Photinus Episcopus, Martyr Lugduni in Gallia.
S. Zacharias Presb. Martyr Lugduni in Gallia.
S. Vetius Epagatus, Martyr Lugduni in Gallia.
S. Macarius, Martyr Lugduni in Gallia.
S. Aschlibiades, Martyr Lugduni in Gallia.
S. Silvius, Martyr Lugduni in Gallia.
S. Primus, Martyr Lugduni in Gallia.
S. Ulpius, Martyr Lugduni in Gallia.
S. Vitalis, Martyr Lugduni in Gallia.
S. Comminus, Martyr Lugduni in Gallia.
S. October, Martyr Lugduni in Gallia.
S. Philomenus. Martyr Lugduni in Gallia.
S. Geminus, Martyr Lugduni in Gallia.
S. Julia, Martyr Lugduni in Gallia.
S. Albina, Martyr Lugduni in Gallia.
S. Grata, Martyr Lugduni in Gallia.
S. Æmilia, Martyr Lugduni in Gallia.
S. Potamia, Martyr Lugduni in Gallia.
S. Pompeja, Martyr Lugduni in Gallia.
S. Rodana, Martyr Lugduni in Gallia.
S. Biblis, Martyr Lugduni in Gallia.
S. Quartia, Martyr Lugduni in Gallia.
S. Materna, Martyr Lugduni in Gallia.
S. Helpis, Martyr Lugduni in Gallia.
S. Maturus, Martyr Lugduni in Gallia.
S. Sanctus Diaconus, Martyr Lugduni in Gallia.
S. Attalus, Martyr Lugduni in Gallia.
S. Alexander, Martyr Lugduni in Gallia.
S. Ponticus, Martyr Lugduni in Gallia.
S. Blandina, Martyr Lugduni in Gallia.
S. Justus, Martyr Lugduni in Gallia.
S. Aristeus, Martyr Lugduni in Gallia.
S. Cornelius, Martyr Lugduni in Gallia.
S. Zosimus, Martyr Lugduni in Gallia.
S. Titus, Martyr Lugduni in Gallia.
S. Julius, Martyr Lugduni in Gallia.
S. Zoticus, Martyr Lugduni in Gallia.
S. Apollonius, Martyr Lugduni in Gallia.
S. Geminianus, Martyr Lugduni in Gallia.
S. Julia altera, Martyr Lugduni in Gallia.
S. Ausona, Martyr Lugduni in Gallia.
S. Æmilia altera Martyr Lugduni in Gallia.
S. Jamnica, Martyr Lugduni in Gallia.
S. Pompeja altera, Martyr Lugduni in Gallia.
S. Domna, Martyr Lugduni in Gallia.
S. Justa, Martyr Lugduni in Gallia.
S. Trophima, Martyr Lugduni in Gallia.
S. Antonia, Martyr Lugduni in Gallia.
S. Vincentius, Martyr ibidem.
S. Nina, Martyr ibidem.
S. Priscus, Martyr ibidem.
S. Sepaca, Martyr ibidem.
S. Hilarius, Martyr ibidem.
S. Felix, Martyr ibidem.
S. Castula, Martyr ibidem.
S. Epagatus, Martyr ibidem.
S. Amelia, Martyr ibidem.
S. Donatus, Martyr ibidem.
S. Barbarinus Presb. Martyr.
S. Humatus, Martyr.
S. Evasius, Martyr.
S. Honorata, Martyr.
S. Rogata, Martyr.
Sancti triginta octo Martyres, apud Græcos.
Sancti Mater & tres liberi, Martyres apud Græcos.
Sancti plurimi Martyres Antiochie
S. Theemeda, Martyr in Ægypto.
Filii, Martyres in Ægypto.
S. Armenius, Martyr in Ægypto.
Mater, Martyr in Ægypto.
S. Marcellinvs Presb. Martyr Romæ.
S. Petrvs Exorcista, Martyr Romæ.
S. Thomatus, Martyr Romæ.
S. Rogatus, Martyr Romæ.
Sancti Quadraginta duo, Martyres Romæ.
S. Secundus, Martyr Romæ passus.
S. Maxima, Martyr Romæ passa.
S. Martinianus, Martyr Romæ passus.
S. Silvinus, Martyr Romæ passus.
S. Flavianus, Martyr Romæ passus.
S. Paulus, Martyr Romæ passus.
S. Petrus, Martyr Romæ passus.
S. Victorina, Martyr Romæ passa.
S. Matrona, Martyr Romæ passa.
S. Fausta, Martyr Romæ passa.
S. Extricata, Martyr Romæ passa.
S. Antonina, Martyr Romæ passa.
S. Saturnina, Martyr Romæ passa.
S. Donata, Martyr Romæ passa.
S. Reducta, Martyr Romæ passa.
S. Maxima, Martyr Romæ passa.
S. Saturnina altera, Martyr Romæ passa.
S. Paula, Martyr Romæ passa.
S. Julia, Martyr Romæ passa.
S. Florentina, Martyr Romæ passa.
S. Fortunata, Martyr Romæ passa.
S. Maxima altera, Martyr Romæ passa.
S. Urbana, Martyr Romæ passa.
S. Felicissima, Martyr Romæ passa.
S. Justa, Martyr Romæ passa.
S. Flavia, Martyr Romæ passa.
S. Matrona altera, Martyr Romæ passa.
S. Marciosa, Martyr Romæ passa.
S. Valentina, Martyr Romæ passa.
S. Fortunata altera, Martyr Romæ passa.
S. Venusta, Martyr Romæ passa.
S. Donata altera, Martyr Romæ passa.
S. Maria, Martyr Romæ passa.
S. Gallica, Martyr Romæ passa.
S. Tertula, Martyr Romæ passa.
S. Vitalica, Martyr Romæ passa.
S. Evantia, Martyr Romæ passa.
S. Julia altera, Martyr Romæ passa.
S. Summata, Martyr Romæ passa.
S. Posinna, Martyr Romæ passa.
S. Saturnina tertia, Martyr Romæ passa.
S. Concordia, Martyr Romæ passa.
S. Donata tertia, Martyr Romæ passa.
S. Felix, Martyr Romæ passus.
S. Valentinus, Martyr Romæ passus.
S. Januarius, Martyr Romæ passus.
S. Mastilla, Martyr Romæ passa.
S. Lucius, Martyr Romæ passus.
S. Maria altera, Martyr Romæ passa.
S. Marcella, Martyr Romæ passa.
S. Percus, Martyr Romæ passus.
S. Datula, Martyr Romæ passa.
S. Victuria, Martyr Romæ passa.
S. Jovianus, Martyr Romæ passus.
S. Maxima tertia, Martyr Romæ passa.
S. Felix alter, Martyr Romæ passus.
S. Tertula, Martyr Romæ passa.
S. Castulina, Martyr Romæ passa.
S. Tulla, Martyr Romæ passa.
S. Gaudolus, Martyr Romæ passus.
S. Medianus, Martyr Romæ passus.
S. Justus, Martyr Romæ passus.
S. Saturus, Martyr Romæ passus.
S. Saturus alter, Martyr Romæ passus.
S. Felix tertius, Martyr Romæ passus.
S. Dontula, Martyr Romæ passa.
S. Samina, Martyr Romæ passa.
S. Januaria, Martyr Romæ passa.
S. Fortunatus, Martyr Romæ passus.
S. Saturnina quarta, Martyr Romæ passa.
S. Julia tertia, Martyr Romæ passa.
S. Nina, Martyr Romæ passa.
S. Honorata, Martyr Romæ passa.
S. Donata tertia, Martyr Romæ passa.
S. Victoria, Martyr Romæ passa.
S. Marcia, Martyr Romæ passa.
S. Donata quarta, Martyr Romæ passa.
S. Calpurnia, Martyr Romæ passa.
S. Extricata, Martyr Romæ passa.
S. Felix quartus, Martyr Romæ passus.
S. Saturninus, Martyr Romæ passus.
S. Donatus, Martyr Romæ passus.
S. Cenonus, Martyr Romæ passus.
S. Primosa, Martyr Romæ passa.
S. Secunda, Martyr Romæ passa.
S. Januaria altera, Martyr Romæ passa.
S. Rogatus, Martyr Romæ passus.
S. Faustus, Martyr Romæ passus.
S. Fonteius, Martyr Romæ passus.
S. Tertulus, Martyr Romæ passus.
S. Paula altera, Martyr Romæ passa.
S. Rogatus alter, Martyr Romæ passus.
S. Secunda altera, Martyr Romæ passa.
S. Januaria tertia, Martyr Romæ passa.
S. Martialis, Martyr Romæ passus.
S. Felix quintus, Martyr Romæ passus.
S. Sextus, Martyr Romæ passus.
S. Fortunatus alter, Martyr Romæ passus.
S. Januarius alter, Martyr Romæ passus.
S. Adjutor, Martyr Romæ passus.
S. Fortunata tertia, Martyr Romæ passa.
S. Nomitia, Martyr Romæ passa.
S. Paula tertia, Martyr Romæ passa.
S. Rogata, Martyr Romæ passa.
S. Victoria altera, Martyr Romæ passa.
S. Donata quinta, Martyr Romæ passa.
S. Mavorus, Martyr Romæ passus.
S. Posinna altera, Martyr Romæ passa.
S. Prima, Martyr Romæ passa.
S. Urbana altera, Martyr Romæ passa.
S. Turninus, Martyr Romæ passus.
S. Januarius tertius, Martyr Romæ passus.
S. Senecio, Martyr Romæ passus.
S. Julia tertia, Martyr Romæ passa.
S. Marciana, Martyr Romæ passa.
S. Nondinarus, Martyr Romæ passus.
S. Castus, Martyr Romæ passus.
S. Datus, Martyr Romæ passus.
S. Florentina, Martyr Romæ passa.
S. Victoria altera, Martyr Romæ passa.
S. Piscina, Martyr Romæ passa.
S. Castulus, Martyr Romæ passus.
S. Saturninus alter, Martyr Romæ passus.
S. Victurianus, Martyr Romæ passus.
S. Fortunatus quart. Martyr Romæ passus.
S. Nina altera, Martyr Romæ passa.
S. Nundinus, Martyr Romæ passus.
S. Saturnina quinta, Martyr Romæ passa.
S. Cæcilia, Martyr Romæ passa.
S. Marina, Martyr Romæ passa.
S. Luciosa, Martyr Romæ passa.
S. Felicia, Martyr Romæ passa.
S. Maxima quarta, Martyr Romæ passa.
S. Prima altera, Martyr Romæ passa.
S. Firmina, Martyr Romæ passa.
S. Evasius, Martyr Romæ passus.
S. Sildinus, Martyr Romæ passus.
S. Tertius, Martyr Romæ passus.
S. Fuscus, Martyr Romæ passus.
S. Marcellina, Martyr Romæ passa.
S. Rota, Martyr Romæ passa.
S. Evasia, Martyr Romæ passa.
S. Sermatia, Martyr Romæ passa.
S. Rodilia, Martyr Romæ passa.
S. Maria tertia, Martyr Romæ passa.
S. Salpurnia, Martyr Romæ passa.
S. Castula, Martyr Romæ passa.
S. Saturnina sexta, Martyr Romæ passa.
S. Justa, Martyr Romæ passa.
S. Jocunda, Martyr Romæ passa.
S. Julius, Martyr Romæ passus.
Alii septuaginta sex, Martyres Romæ passi.
S. Marius, Martyr ibidem.
S. Jovinianus, Martyr ibidem.
S. Fortunatus, Martyr ibidem.
S. Oratus, Martyr ibidem.
S. Latina, Martyr ibidem.
S. Sabina, Martyr ibidem.
Sancti Quadraginta octo Martyres Romæ.
S. Thamatus, Martyr Cæsareæ.
S. Honoratus, Martyr Cæsareæ.
S. Seleucus, Martyr Cæsareæ.
S. Porfirus, Martyr Cæsareæ.
S. Pafilus, Martyr Cæsareæ.
S. Estiaus seu Palæstinus Martyr Cæsareæ.
S. Rogata, Martyr Cæsareæ.
S. Erasmvs Episcopus, Martyr Formiis in Campania.
S. Eugenius I, Papa Romanus.
S. Adalgisus, Presbyter in Theorascia, Picardiæ regiuncula.
S. Guido, Episc. Aquensis in Insubria.
S. Stephanus, Episcopus Martyr Norale apud Helsingos in Suecia.
S. Nicolaus Peregrinus, Trani in Apulia.
B. Joannes, Eremita in monte Hispaniæ Urticensi.
S. Joannes Megalo-martyr Bialogrodi in Bessarabia.
SS. Martyres, Sendomiriæ in Polonia, trucidati a Tartaris.

PRÆTERMISSI ET IN ALIOS DIES REIECTI.

Opera R. P. Godefridi Henschenii piæ memoriæ,
nisi aliud indicent litteræ additæ in margine.

Sancti Hermilus & Stratonicus Martyres, memorantur in pervetusto Synaxario Ecclesiæ CP. uti pridie apud alios Gracos. Eorum Acta martyrii illustravimus XIII Januarii.
Ceolachus, Cellacus, Colatus, vel Colachus, Episcopus Lindisfarniæ & Leichfeldensis, Apostolus Merciorum, ut Sanctus memoratur a Camerario in Menologio Scotorum, & in quodam Ms. Kalendario Ordinis S. Benedicti. Ven. Beda lib. 3 Hist. Angl. cap. 21, inter Episcopos Mediterraneorum Anglorum & Merciorum nominat Ceollach, de natione Scotorum, qui Episcopatu relicto reversus est ad insulam Hv. Egimus de eo inter Prætermissos (quibus quod addamus non occurrit) XIV Febr.
S. Nicephorus, Patriarcha Constantinopolitanus, solenni veneratione colitur a Græcis, & eorum exemplo memoratur a Molano, Ferrario & aliis. Nos cum Latinis illustravimus ejus Acta XIII Martii.
S. Walarici Abbatis Relatio de Flandria, ad proprium locum, inscripta est Ms. Centulensi. Historiam relationis cum illius Actis dedimus I April.
D. P.
S. Marcellini Episcopi Depositio indicatur in vetustißimo Epternacensi Martyrologio S. Hieronymi, post relatos Martyres Romanos quamplurimos, ut videatur indicari S. Marcellinus Papa sive Episcopus, potißimum cum ejus mentio in dicto apographo, antiquiores omnes Ecclesiæ Romanæ Episcopos referente, nusquam habeatur. Hoc si admittatur, mutanda erunt, quæ de ejus fine & sequenti Pontificatus initio dixi in Conatu Chronico hist. ad Pontificum Rom. seriem. In Mss. Vaticano S. Petri, Parisiensi S. Victoris, & alio Reginæ Sueciæ, adjungitur Saturninus, & forsan cumeo depositus. Est Saturninus hoc die inter Martyres Romanos, ut videatur his facile potuisse adiungi. In Ms. Trevirensi legitur, Romæ S. Marcelli Martyris cum aliis CCCC, & in apographo Lucensi appellatur Marcellus Episcopus; Socii vero ibidem, si non tanto numero, saltem ultra trecentos, referuntur. In Blumiano scribitur nomen S. Marcellini Presbyteri. Colitur autem Marcellinus Papa XXVI Aprilis.
S. Romanus Martyr Tarsi in Cilicia refertur a Rabano hoc die & a pluribus die quinta Iunii. At dies natalis est XIV Maji.
Damianus Comes S. Reguli, indicatur a Camerario in Menologio Scotico. De eo egimus inter Prætermissos I Junii.
Pyrrhus Episc. refertur in Synaxario Claromontano, cum sanctis Patribus nostris Gerasimo & Erasmo; de his nihil ultra scimus, de illo egimus I Junii.
S. Acacius Martyr ponitur in Ms. Synaxario Ecclesiæ CP. nullo addito loco aut tempore seu persecutione, ut difficile sit de hoc judicare, cum plures Acacii Martyres in hoc opere occurrant.
Dorotheus, qui decollavit SS. Marcellinum & Petrum, cum vidisset animas illorum ferri ad cælos, pœnitentiam agens, baptizatus, sub Julio Papa quievit in pace. Uti in Actis martyrii horum infra refertur num. 11 & 14. De eo seorsim ut Sancto agitur in Martyrologio Coloniæ & Lubecæ edito anno 1490, & apud Grevenum atque Canisium. Ibidem omnia sunt relata: sed quia neque Ferrarius aliique Romani de eo seorsim agunt, neque nomen antiquis Martyrologiis ullis reperimus inscriptum, hoc indicasse sufficiat.
B. Marcellini Martyris Romani exuviæ, ab Urbano Papa VIII concessæ, in monasterio Sanctissimæ Trinitatis Excalceatorum, apud oppidum Socuellamos Hispaniæ, honorifice coluntur. Ita Tamajus de Salazar in Martyrologio Hispanico; addens, se memoriam hunc diem reposuisse, quia de alio ejusdem nominis agunt hodie antiqua & recentiora Martyrologia, in quibus de hoc altum silentium. Et nos de S. Marcellini Presbyteri & Petri Exorcistæ Reliquiis, variis in locis reservatis, infra agimus: a quo hunc plane diversum arbitramur.
D. P.
SS. Nicolaus & Tranus, Eremitæ in Sardinia, hoc die referuntur a Ferrario, in Catalogo Sanctorum Italiæ, occasione S. Nicolai Tranensis. Eorum corpora religiose elevata dicuntur anno 1227, Vita autem & miracula describi in veteri libro edito per Ludovicum Episcopum Civitatensem; quem librum, æque ac librum Francisci Fara de rebus Sardiniæ, optaremus nancisci, maxime si prædicti Sancti certum aliquem cultus vel elevationis diem habeant, prout indicare videntur Dimas Serpi & Dionysius Bonfant. Quod si festi illius dies certus, in quo etiam Indulgentiæ proponuntur, dignæ quarum a nobis mentio fiat, indicatus fuerit, sive ipsorum proprius, sive cum Deipara loci Patrona communis, conabimur ad eum de eisdem plenius agere.
D. P.
Anastasia Oliveti, scilicet Monacha, Sanctorum ac Beatorum Ordinis Carmelitici Aciei bene ordinatæ inscripta per Philippum a Visitatione, nescio unde ei ut Sancta, vel hoc die mortua, innotuerit; neutrum dicit in Annalibus Lezana, agens de ea velut Ordinem suum professa ad an. 521. Certe ultima ejus memoria, qua exstat in Vita S. Sabæ, de ea solum agit, ut tum, cum illa scribebatur, in monte Olivarum adhuc virtutibus florente, nusquam vero ut jam defuncta.
D. P.
SS. Deodati Episcopi, Maldegarii, Fulberti, Amsilionis, Lamberti, & unius Innocentum translatio, in monasterio, Latinico, inscripta est Additionibus Molani ad Usuardum anni 1583 sub finem, minore charactere : quo citato referuntur in Martyrologio monastico Arnoldi Wionis, addentis, fuisse tres illorū monachos, Maldegarium scilicet, Amsilonem & Lambertū. Wionem sequitur Dorganius. Verum Menardus, ejusdem Ordinis Benedictini monachus, cum Latiniacensibus, Parisiis scribens & sex solum leucis Latiniaco distans, rem totam silentio involvit, uti & Bucelinus. Saussajus minore charactere, quasi inter Prætermissos, eorumdem meminit, qui tamen etiam ipse Parisiis potuit rem examinasse: rogavimus nihilominus nostrum P. Hardoynum, ut & ipse eam vellet explorare; qui opera usus P. Mabilionis responsum accepit, Reliquias quidem a Calvinistis exustas simul cum chartis, docturis unde & quando vel quomodo allatæ eæ sint; singulorum nihilominus festa coli ut sequitur:
S. Fuilberti Episcopi, scilicet Carnotensis, quod notatu dignum, quia a nobis defectu cultus inter Prætermissos relatus est X Aprilis.
S. Deodati Episcopi, forsan Nivernensis: sed hic colitur XIX, iste XXII Junii.
S. Lamberti Episc. & Martyris, Leodiensium Patroni, XVII Septembris.
S. Ansilionis Monachi, aliunde adhuc nobis ignoti, XI Octobris.
SS. Innocentium, sub ritu primæ Claßis XXVIII Dec.
S. Madelgarii nullum proprium festum indicatur in responso, nec causam invenimus suspicandi, ipsum qui Montibus in Hannonia colitur XIV Julii.
Odo, ex Priore monasterii Cantuariensis S. Salvatoris, Abbas Belliensis in Anglia, & scriptis, in Pentateuchum, libros Regum & Psalterium notus, indicatur a Menardo, Maihew, & Bucelino: diciturque tam excellenti pietate fuisse, ut post obitum inter Divos sit relatus. Quod primus, quantum scimus, sed irridendo, dixit hæreticus Balæus. Secuti tamen sunt Pitsæus, Harpsfeldius, Menardus & Bucelinus. Non est in Martyrologio Anglicano Wilsoni: quare & nos eum differimus, donec fuerimus de ejus cultu certiora monumenta assecuti.
Beatus Dubdaletheus, filius Kellaci, Comorbanus (id est successor) SS. Patricii & Columbæ, die 2 Junii, ætatis suæ anno octogesimo, in pace quievit. Ita Colganus parte 3 ad Acta S. Patricii, ex brevi Chronico pag. 297, & addit, eum, juxta quatuor Magistros, successisse Muredacio, anno 965 deposito, & sedisse Archiepiscopum Ardmacanum annis 33, proinde mortuus esset anno 998.
Ratruda Virgo, in monasterio Plumbariolæ prope Montem Casinum, cum titulo Sanctæ profertur a Bucelino; sed a nemine ante illum, quod sciamus: ab illo autem citantur Leo Ostiensis & M. Ant. Scipio, non indicatis locis. Quæsivinus ergo ea & reperimus, Leonem lib. 1 Chronici Casinensis cap. 8 de illa agere, tamquam filia Ratchisi Regis Longobardorum, facti monachi, quæ cum matre Tasia, in eo loco, propriis sumptibus extructo dotatoque, sub magna cautela, & districtione regulari vitam agens, ultimum diem clausit. Verum tamen neque ipse Leo, neque Angelus de Nuce in Notis, ei tribuunt titulum Sanctæ, uti nec M. Ant. Scipio in Elogiis Abbatum Casinensium, ubi in S. Petronace Abbate, (de quo egimus 6 Maji) Ratrudæ meminit; nec denique Mabilio in 3 Seculo Benedictino. Diem vero videtur Bucelinus suo legisse arbitratu.
Conallus Episcopus, S. Columbæ discipulus, in monasterio Divini-Juris, memoratur in Menologio Scotico Dempsteri, ejusque Historia Ecclesiastica pag. 167, ubi monasterium Divini-Ruris appellat, asseritque floruisse anno 609. Dempsterum describit Ferrarius, citatque Hectorem Boëthium, sed loco omisso. Certiora monumenta de ejus veneratione libenter haberemus.
D. P.
Zacharias Monachus, discipulus Abbatis Silvani, qui pallium pedibus conculcans, dixit: Nisi quis sic animo omnia conculcasset, monachus esse non potest; laudatur is in Vitis Patrum & refertur a Greveno in Auctario Usuardi, Heraclidem Ponticum allegante; sed is in suo Paradiso talis dicti non meminit nec alius quod scimus. Idem nihilominus refert Canisus; Galesinius autem atque Ferrarius, satis habent commendasse sanctitatem ejus in genere. Est aliquis S. Zacharias inclusus, qui in pace quievit, ex Græcis a nobis relatus ad XXIV Martii, sed nec tunc potuimus, nec modo possumus affirmare, num unus idemque hic referatur.
Thomas de Argentolio, Præpositus Ecclesiæ Atrebatensis, in ipso Ecclesiæ suæ gremio, propter justitiam ac libertatem Ecclesiæ, a sicariis interfectus anno MXXVI, memoratur a Molano in Natalibus Sanctorum Belgii, ex libro obituum dictæ Ecclesiæ. Forte ciciderunt Molano CC. Nam in Martyrol. Atrebatensi, nobis a DD. Canonicis donato, ita legitur: Eodem die occisio. Thomæ Præpositi, pro quo dantur quinquaginta solidi, anno MCCXXVI. Ejus memoria, sed alio charactere, excusa est in Martyrologio, Gallice Leodii an. 1624 impresso, & Piis adjungitur a Saussajo.
Joannes, in monasterio Brabantiæ Villariensi Ordinis Cisterciensis admissus, adhuc probationis annum agens, post innocentissime vitam peractam mortuus, cum titulo Beati profertur ab Henriquez, Chalemoto, Bucelino. Laudatur in Chronico Villariensi.
Adelheydis, cum quinquaginta Virginibus, vixit in Isnensi oppido Sueviæ Imperiali, & laudatur plurimum a Joanne Nider, lib. 1 Formicarii cap. II & lib. 2 cap. II, non indicato die obitus: quem aßignat Arturus a Monasterio hunc 2 Iunii, & primus eam honorat titulo Beatæ.
Udalrici Comitis de Zile, dein monachi Zwifaltensis depositio, ut venerabilis viri, memoratur a Bucelino in Menologio Benedictino.
Arnoldus a Gertrudis-Berga, Capellæ Hannoniæ pago prope Enghiam, Carthusianus, cum opinione sanctitatis mortuus, post Dorlandum refertur a Rayßio; sed Venerandum solum compellat.
Ludovicus de Estrada, Abbas monasterii Horti B. Mariæ, in diœcesi Hispaniæ Siguntina, Ordinis Cisterciensis, & totius Congregationis Castellæ Superioris, Generalis, mortuus hoc die anno MDLXXXI; ante Societatis Jesu propugnator; inscriptus est Menologio Henriquez, Chalemoti & Bucelini; sed solum cum titulo beatæ recordationis, aut piæ memoriæ, aut venerabilis.
Leonardus Assisias. S. Francisci socius, refertur a Iacobillo, quod alium pro hoc die non haberet. Allegat is verba Martyrologii Franciscani, in quo primo loco ad præcedentem diem habetur, uti tum inter Prætermissos diximus.
Jacobus Coppenus, Alcmariæ anno 1575 ab hæreticis occisus, ut Martyr, post Opmerum, indicatur a Rayßio.
Joan. Bernardus, an. 1599 ab Indis occisus, 1 Joann. Luneburg, in Saxonia, an. 1240, 2 Joan. a Rupe-scissa, Villæ-Fran. an. 1357, 4 Rubinus Mirtilli, in Lusitania, an. 1447, 7 Alphons. de Tapia, in Hispania, an. 1598, 3 Guil. a Castellione, in Italia, an. 1415 5 Gaspar a Josepho, in Hispania, an. 1576, 6 Joannes Laicus, Salmanticæ, an. 1577, Paula Isabella, Virgo Mediolani, an. 1447 Ordinis S. Francisci, memorantur ut Beati in Martyrologio Franciscano Arturi, & Paula Isabella n ejusdem Gynæceo sacro. Horum varii laudantur a sanctitate vitæ apud Wadingum & Haroldum; sed de cultu aliquo, saltem inchoato, silent: neque eorum quemquam titulo Beati honorant.
Joanna de Guilhem, Ordinis Eremitarum S. Augustini, Oriolæ in regno Valentiæ, anno 1607 mortua, miraculis clara, translata est anno 1616 ad altare. Vita, per puginas 30 deducta, extat apud Simplicianum de S. Martino, in Hictoria S. Augustini & aliorum Sanctorum, Beatorum & Illustrium Ordinis: sed in hac Vita abstinet auctor a titulo Beatæ, quem tamen ei tribuit Arturus a Monasterio, in Gynæceo sacro.
Isaac, Monachus & Martyr Cordubæ, memoratur in Mss. Pragensi & Ultrajectino. In aliis cum Martyrol. Romano III Junii.
SS. Pergentinus & Laurentinus fratres, in Tuscia, sub Decio gladio necati, referuntur in Ms. Trevirensi S. Martini. Ab aliis III Junii.
S. Genesius, Episcopus & Martyr, Lemovicis in Gallia, indicatur a Ferrario, ex Kalendario Ecclesiæ Lemovicensis; sed addit; cujus urbis Episcopum fuerit, quandove Martyr effectus fuerit, necdum se potuisse scire. Habemus Breviarium Levonicense anni 1625, in cujus Kalendario nusquam fit mentio ullius Genesii. Esset tamen duas parochias S. Genesii in Archipresbyteratu Brivatensi, indicatur in Registro beneficiorum Lemovicensis diœcesis. Forte est S. Genesius, Episcopus Claromontanus, sed Confessor: qui colitur sequenti die III Junii.
S. Lifardus, Episcopus Confessor, indicatur in additionibus scriptis Carthusiæ Bruxellensis ad Grevenum. Est Lifardus, Episcopus Martyr, IV Februarii; aut Lifardus, Presbyter Confessor, sequenti die III Junii.
S. Attalus, est in Ms. Synaxario Ecclesiæ Videtur ille esse, qui ab aliis refertur. VI Junii.
S. Arthemius cum suis indicatur a Greveno in Auctario Usuardi. Putamus eumdem esse, quem alii nobiscum differunt ad VI Junii.
SS. Vincentius, Primus, & Felicianus, Martyres Agenni, celebrantur in Martyrologio Gallicano Saußaii. Verum Primus & Felicianus paßi sunt Romæ; & Vincentius, Agenni; perperam hic conjuncti: quos, sub debita distinctione, referemus IX Junii.
S. Odo, origine Danus, ex Episcopo Wintoniensi Archiepiscopus Cantuariensis, hoc IV Nonas Junii, inscriptus est Martyrologio a Richardo Witfordo edito, & Londini Anglice anno 1506 excuso. Verum, IV Nonas Julii, relicto seculo cælestia penetrasse, dicitur in Vita a Capgravio edita, & assentiuntur alii. Varia ergo ejus Acta daturi sumus IV Julii.
S. Procopii Abbatis in Bohemia Canonizatio, hoc die facta, recolitur a Wione, Menardo, Ferrario, & aliis. Dies ejus natalis est IV Julii.
S. Udalricus, Episcopis Angustanus, inscriptus est Ms. Leodiensi S. Laurentii, & Ms. Florario. Ejus natalis est IV Julii.
D. P.
Malcolmus Rex Scotiæ, maritus S. Margaritæ, ab Anglis anno 1097 occisus, ut Sanctus Martyr, a Wilsono inscriptus est Martyrologio Anglicano, anni 1608; suntque cum secuti Camerarius & Ferrarius. Allegatur Molanus in Appendice ad Usuardum: sed is in prima editione habet illum ad diem xv Octobris, & secuti sunt Canisius in Martyrologio Germanico, Ferrarius in Catalogo generali, atque Demsterus in Menologio Scotico: qui etiam variis aliis diebus eum refert, non tamen hoc secundo. Quia autem omnia ipsum spectantia fere continentur in Vita uxoris S. Margaritæ Reginæ; constituimus (nisi alia certior ratio indicetur) utriusque simul causam agere, non ad VIII Julii, quo solebat Margarita coli; sed ad diem, qui cultus ejus sacro destinatus jam est, X Junii.
S. Helenæ, Matris Constantini Imp. memoriam Venetiis, asserit Arturus a Monasterio in Gynæceo sacro celebrari in Anthologio Græco, Additionibus Molani ad Usuardum, Ferrarii Catalogo generali. Hi autem non 2 Iunii, sed 2 Maji cum S. Constantino filio ipsam referunt: de ea autem cum Martyrologio Rom. agemus XVIII Aug.
B. Isidorus Confessor, a S. Neophyto Episcopo Oeconomus Ecclesiæ Sanctorum Fratrum constitutus, dicitur ab auctore Gloriæ Leontinorum anno 1685 primum vulgatæ, Carolo scilicet Antonio Conversano, laudari in Vita S. Neophyti Episcopi apud Cajetanum. De illis egimus X Maji & S. Neophyti Vitam examinabimus I Septemb.
D. P.
Caprasius, Prior Carmeli cui Ioannes Hierosolymitanus, inscripserit librum de Institutione Monachorum; nullis (quæ viderim) Carmelitarum Kalendariis hactenus adscriptus; cum titulo Sancti collocatur, in Corolla selectorum ex Carmelo florum, Teutonice edita ad usum menstruæ sortitionis, an. 1685 Antverpiæ. Alii, cum Lerinensi Caprasio confusum, adscribunt I Julii.
licet Bostius & Palæonydorus obiisse dicant XV vel XX Octobris.
D. P.
S. Florus, Episcopus Confessor, colitur Officio novem Lectionum in propriis Ecclesiæ Claromontanæ, & in Ordine excuso pro anno 1656. De eo egimus pridie seu Kalendis Iunii, inter Prætermissos; quia ab eo die, propter festum S. Modulphi, huc translatus est. In Ecclesia autem Cathedrali S. Flori, uti & in variis Fastis, colitur III & IV Novemb.
S. Ermenburga Angla, indicatur in additis a Carthusia Bruxellensi ad Grevenum: ab aliis refertur XIX Novembris.
D. P.
Udalricus Anachoreta, socius B. Nicolai in Helvetia Vitam habet apud Murerum inter Sanctos Helveticos: & quia ex Bavaria oriundus, jam ante habebat apud Raderum in Bavaria Sancta. Vitam Nicolai, probato utcumque antiquo cultu, dedimus XXII Martii, ubi num. 68 agitur de hoc illius socio: sed neque ibi, neque ab Auctoribus supra allegatis, ullum pro Udalrico publici cultus argumentum adfertur.
Stanislaus Posnaniensis, Carmelita, Concionator ferventißimus, in Prußia confossus ab Idololatris & an. 1420 hodie sepultus apud suos, Bydgostiæ in Cujavia, ex Catalogo Patronorum Poloniæ, Romæ probato & Cracoviæ reviso, refertur inter Vitas Beatorum Polonorum, a Martino Baronio collectas, cujus hic fere verba dedimus, neque de cultu aliquid requirendo comperimus: vide sis Lezanam, in Annalibus alios Ordinis Auctores allegantem, ad annum prædictum.

Acta Sanctorum: Photinus und Gefährten

Acta Sanctorum: Vincentius und Gefährten

Acta Sanctorum: Barbarinus und Gefährten

Acta Sanctorum: 38 Märtyrer

Acta Sanctorum: Mutter und 3 Kinder

Acta Sanctorum: Märtyrer in Antiochia

Acta Sanctorum: Theemeda und Gefährten

Acta Sanctorum: Marcellinus und Petrus und Gefährten

Acta Sanctorum: Secundus und Gefährten

Acta Sanctorum: Marius und Gefährten

Acta Sanctorum: Thamatus und Gefährten

Acta Sanctorum: Erasmus von Antiochia

Acta Sanctorum: Eugen I.

Acta Sanctorum: Adalgisus

Acta Sanctorum: Guido von Acqui

Acta Sanctorum: Stephan von Hälsingland

Acta Sanctorum: Nikolaus der Pilger

Acta Sanctorum: Johannes von Ortega

Acta Sanctorum: Johannes

Acta Sanctorum: Märtyrer von Sandomierz

Übersetzung ins Deutsche  Google-Übersetzung ins Deutsche


Juni I: 3. Juni




USB-Stick Heiligenlexikon als USB-Stick oder als DVD


Seite zum Ausdruck optimiert

Empfehlung an Freunde senden

Artikel kommentieren / Fehler melden

Suchen bei amazon: Bücher über Acta Sanctorum: 2. Juni

Wikipedia: Artikel über Acta Sanctorum: 2. Juni

Fragen? - unsere FAQs antworten!

Im Heiligenlexikon suchen

Impressum - Datenschutzerklärung



        Zum Schutz Ihrer Daten: mit 2 Klicks empfehlen!


- zuletzt aktualisiert 00.00.2014
korrekt zitieren:
Societé des Bollandistes:
Die Deutsche Nationalbibliothek verzeichnet das Ökumenische Heiligenlexikon in der Deutschen Nationalbibliografie; detaillierte bibliografische Daten sind im Internet über http://d-nb.info/969828497 abrufbar.