Sollte hier eine Anzeige erscheinen, deren Anliegen dem unseren entgegensteht, benachrichtigen Sie uns bitte unter Angabe der URL dieser Anzeige, damit diese Werbung nicht mehr erscheint.
Lesen Sie vorher bitte unsere Erläuterungen auf der Seite Warum Werbung und wie sie funktioniert.


 


Ökumenisches Heiligenlexikon

Acta Sanctorum der Bollandisten
Einleitung Juni I           Band Juni I           Anhang Juni I

1. Juni


SANCTI QUI KALENDIS IUNII COLUNTUR.

Sanctus Clarus Episcopus, Martyr Lactoræ in Novempopulania.
S. Justinus, Martyr Romæ.
S. Chariton, Martyr Romæ.
Sa. Charito, Martyr Romæ.
S. Euelpistus, Martyr Romæ.
S. Hierax, Martyr Romæ.
S. Peon, Martyr Romæ.
S. Valerianus, seu Liberianus, Martyr Romæ.
S. Thespesius, Martyr in Cappadocia.
S. Felinus, Martyr, Perusia Aronam translatus.
S. Gratianus, Martyr, Perusia Aronam translatus.
S. Ammon, Martyr, Alexandriæ in Ægypto.
S. Zenon, Martyr, Alexandriæ in Ægypto.
S. Ptolomæus, Martyr, Alexandriæ in Ægypto.
S. Ingenes, Martyr, Alexandriæ in Ægypto.
S. Theophilus, Martyr, Alexandriæ in Ægypto.
S. Ischyrion, Martyr, Alexandriæ in Ægypto.
SS. Martyrum Ægyptiorum sedecim millia.
S. Florentius, Martyr Perusini.
S. Julianus, Martyr Perusini.
S. Cyriacus, Martyr Perusini.
S. Marcellinus, Martyr Perusini.
S. Faustinus, Martyr Perusini.
S. Reverianus Ep., Martyr, Augustoduni in Gallia.
S. Paulus Presb., Martyr, Augustoduni in Gallia.
SS. Socii decem, Martyres, Augustoduni in Gallia.
S. Octavius Martyr, Thessalonicæ in Macedonia.
S. Zosimus, Martyr Antiochiæ.
S. Tecla Virgo, Martyr Antiochiæ.
S. Crispinus, Martyr in Africa.
S. Juventius, Martyr Romæ.
S. Cyriacus, Martyr Romæ.
S. Exuperantius, Martyr Romæ.
S. Heraclia, Martyr Romæ.
S. Juventius Martyr, Roma translatus, in Galliam.
S. Lucia Virgo, Martyr Thessalonicæ, aut ex parte Romæ.
S. Aucia Rex, Martyr Thessalonicæ, aut ex parte Romæ.
S. Rogatus, Martyr Thessalonicæ, aut ex parte Romæ.
S. Germanus, Martyr Thessalonicæ, aut ex parte Romæ.
S. Silvanus, Martyr Thessalonicæ, aut ex parte Romæ.
S. Bullodus, Martyr Thessalonicæ, aut ex parte Romæ.
S. Cecilia, Martyr Thessalonicæ, aut ex parte Romæ.
S. Tertulus, Martyr Thessalonicæ, aut ex parte Romæ.
S. Lauta, Martyr Thessalonicæ, aut ex parte Romæ.
S. Victoria, Martyr Thessalonicæ, aut ex parte Romæ.
S. Gagus, Martyr Thessalonicæ, aut ex parte Romæ.
S. Fortunatus, Martyr Thessalonicæ, aut ex parte Romæ.
S. Maxima, Martyr Thessalonicæ, aut ex parte Romæ.
S. Paulina, Martyr Thessalonicæ, aut ex parte Romæ.
S. Appia, Martyr Thessalonice, aut ex parte Rome.
S. Castulus, Martyr Thessalonice, aut ex parte Rome.
S. Coteusa, Martyr Thessalonice, aut ex parte Rome.
S. Novella, Martyr Thessalonice, aut ex parte Rome.
S. Agapa, Martyr Thessalonice, aut ex parte Rome.
S. Carra, Martyr Thessalonice, aut ex parte Rome.
S. Ururia, Martyr Thessalonice, aut ex parte Rome.
S. Bublasa, Martyr Thessalonice, aut ex parte Rome.
S. Fortunatus II, Martyr Thessalonice, aut ex parte Rome.
S. Martinus, Martyr Thessalonice, aut ex parte Rome.
S. Saturninus, Martyr Thessalonice, aut ex parte Rome.
S. Bajanus, Martyr Thessalonice, aut ex parte Rome.
S. Rogatianus, Martyr Thessalonice, aut ex parte Rome.
S. Honoratus, Martyr Thessalonice, aut ex parte Rome.
S. Donatus, Martyr Thessalonice, aut ex parte Rome.
S. Martianus, Martyr Thessalonice, aut ex parte Rome.
S. Saturninus II, Martyr Thessalonice, aut ex parte Rome.
S. Potinus, Martyr Thessalonice, aut ex parte Rome.
S. Paulus, Martyr Thessalonice, aut ex parte Rome.
S. Petrurius, Martyr Thessalonice, aut ex parte Rome.
S. Rutilia, Martyr Thessalonice, aut ex parte Rome.
S. Flavius, Martyr Thessalonice, aut ex parte Rome.
S. Quietia, Martyr Thessalonice, aut ex parte Rome.
S. Januaria, Martyr Thessalonice, aut ex parte Rome.
S. Novella, Martyr Thessalonice, aut ex parte Rome.
S. Januarius, Martyr Thessalonice, aut ex parte Rome.
S. Gosia, Martyr Thessalonice, aut ex parte Rome.
S. Fœdosa, Martyr Thessalonice, aut ex parte Rome.
S. Victorina, Martyr Thessalonice, aut ex parte Rome.
S. Matrona, Martyr Thessalonice, aut ex parte Rome.
S. Castula II, Martyr Thessalonice, aut ex parte Rome.
S. Rogatiana, Martyr Thessalonice, aut ex parte Rome.
S. Quintus, Martyr Thessalonice, aut ex parte Rome.
S. Marcus, Martyr Thessalonice, aut ex parte Rome.
S. Gemina, Martyr Thessalonice, aut ex parte Rome.
S. Martialis, Martyr Thessalonice, aut ex parte Rome.
S. Mitunus, Martyr Thessalonice, aut ex parte Rome.
S. Paulus, Martyr Thessalonice, aut ex parte Rome.
S. Vericus, Martyr Thessalonice, aut ex parte Rome.
S. Cassus, Martyr Thessalonice, aut ex parte Rome.
S. Saturninus III, Martyr Thessalonice, aut ex parte Rome.
S. Felix, Martyr Thessalonice, aut ex parte Rome.
S. Martinus II, Martyr Thessalonice, aut ex parte Rome.
S. Donatus II, Martyr Thessalonice, aut ex parte Rome.
S. Rogatus II, Martyr Thessalonice, aut ex parte Rome.
S. Joannes, Martyr Thessalonice, aut ex parte Rome.
S. Fortunatus III, Martyr Thessalonice, aut ex parte Rome.
S. Donatianus, Martyr Thessalonice, aut ex parte Rome.
S. Marcianus II, Martyr Thessalonice, aut ex parte Rome.
S. Sailes, Martyr Thessalonice, aut ex parte Rome.
S. Castus, Martyr Thessalonice, aut ex parte Rome.
S. Januarius II, Martyr Thessalonice, aut ex parte Rome.
S. Donatus III, Martyr Thessalonice, aut ex parte Rome.
S. Hortensus, Martyr Thessalonice, aut ex parte Rome.
S. Saturnina, Martyr Thessalonice, aut ex parte Rome.
S. Malchus, Martyr Thessalonice, aut ex parte Rome.
S. Silvanus II, Martyr Thessalonice, aut ex parte Rome.
S. Quintus II, Martyr Thessalonice, aut ex parte Rome.
S. Felicia, Martyr Thessalonice, aut ex parte Rome.
S. Sillesia, Martyr Thessalonice, aut ex parte Rome.
S. Januaria II, Martyr Thessalonice, aut ex parte Rome.
S. Fortunata, Martyr Thessalonice, aut ex parte Rome.
S. Victuria, Martyr Thessalonice, aut ex parte Rome.
S. Maria, Martyr Thessalonice, aut ex parte Rome.
S. Prima, Martyr Thessalonice, aut ex parte Rome.
S. Gemellina, Martyr Thessalonice, aut ex parte Rome.
S. Faustina, Martyr Thessalonice, aut ex parte Rome.
S. Novella II, Martyr Thessalonice, aut ex parte Rome.
S. Donata, Martyr Thessalonice, aut ex parte Rome.
S. Getulia, Martyr Thessalonice, aut ex parte Rome.
S. Baricus, Martyr Thessalonice, aut ex parte Rome.
S. Urbana, Martyr Thessalonice, aut ex parte Rome.
S. Romana, Martyr Thessalonice, aut ex parte Rome.
S. Prima, Martyr Thessalonice, aut ex parte Rome.
S. Tertula, Martyr Thessalonice, aut ex parte Rome.
S. Casta, Martyr Thessalonice, aut ex parte Rome.
S. Maxima II, Martyr Thessalonice, aut ex parte Rome.
S. Urbana II, Martyr Thessalonice, aut ex parte Rome.
S. Optata, Martyr Thessalonice, aut ex parte Rome.
S. Matrona II, Martyr Thessalonice, aut ex parte Rome.
S. Melosa, Martyr Thessalonice, aut ex parte Rome.
S. Metunus, Martyr Thessalonice, aut ex parte Rome.
S. Majorus, Martyr Thessalonice, aut ex parte Rome.
S. Secunda, Martyr Thessalonice, aut ex parte Rome.
S. Urbana III, Martyr Thessalonice, aut ex parte Rome.
S. Gemellina III, Martyr Thessalonice, aut ex parte Rome.
S. Saturnina II, Martyr Thessalonice, aut ex parte Rome.
S. Procusa, Martyr Thessalonice, aut ex parte Rome.
S. Surdida, Martyr Thessalonice, aut ex parte Rome.
S. Silvana, Martyr Thessalonice, aut ex parte Rome.
S. Rufina, Martyr Thessalonice, aut ex parte Rome.
S. Nina, Martyr Thessalonice, aut ex parte Rome.
S. Sepacus, Martyr Thessalonice, aut ex parte Rome.
S. Vincentius, Martyr Thessalonice, aut ex parte Rome.
S. Priscus, Martyr Thessalonicæ, aut ex parte Romæ.
S. Hilarus, Martyr Thessalonicæ, aut ex parte Romæ.
S. Felix II, Martyr Thessalonicæ, aut ex parte Romæ.
S. Castula III, Martyr Thessalonicæ, aut ex parte Romæ.
S. Publius, Martyr Thessalonicæ, aut ex parte Romæ.
S. Arabus, Alii CXX, Martyr Thessalonicæ, aut ex parte Romæ.
S. Lupus, Alii XIII, Martyr Thessalonicæ, aut ex parte Romæ.
S. Catulinus, Martyr Thessalonicæ, aut ex parte Romæ.
S. Publasus, Martyr Thessalonicæ, aut ex parte Romæ.
S. Martinus, Martyr Thessalonicæ, aut ex parte Romæ.
S. Gajanus, Martyr Thessalonicæ, aut ex parte Romæ.
S. Marcellianus, Martyr Thessalonicæ, aut ex parte Romæ.
S. Fledus, Martyr Thessalonicæ, aut ex parte Romæ.
S. Marcellianus II, Martyr Thessalonicæ, aut ex parte Romæ.
S. Marcus, Martyr Thessalonicæ, aut ex parte Romæ.
S. Castus II, Martyr Thessalonicæ, aut ex parte Romæ.
S. Major, Martyr Thessalonicæ, aut ex parte Romæ.
S. Proculus, Martyr Thessalonicæ, aut ex parte Romæ.
S. Epagatus, Martyr Thessalonicæ, aut ex parte Romæ.
S. Tertius, Martyr Thessalonicæ, aut ex parte Romæ.
S. Sillica, Martyr Thessalonicæ, aut ex parte Romæ.
S. Fertula, Martyr Thessalonicæ, aut ex parte Romæ.
S. Majosa, Martyr Thessalonicæ, aut ex parte Romæ.
S. Timotheus, Martyr Thessalonicæ, aut ex parte Romæ.
S. Marcellinus, Martyr Thessalonicæ, aut ex parte Romæ.
S. Rutilus, Martyr Thessalonicæ, aut ex parte Romæ.
S. Germanus II, Martyr Thessalonicæ, aut ex parte Romæ.
S. Joannes II, Martyr Thessalonicæ, aut ex parte Romæ.
S. Maxima, Martyr Thessalonicæ, aut ex parte Romæ.
Alii LXXV aut CLXXII., Martyres Thessalonicæ, aut ex parte Romæ.
S. Proculus Miles, Martyr Bononiæ in Italia.
S. Secundus Martyr, Ameriæ in Umbria.
S. Agapitus, Martyr, Pergulæ in Italia.
S. Justina V. Martyr, Pergulæ in Italia.
S. Crescentianus, sive Crescentinus, Martyr, Tiferni in Umbria.
S. Justinus, Martyr, Tiferni in Umbria.
S. Griccivianus, Martyr, Tiferni in Umbria.
S. Virianus, Martyr, Tiferni in Umbria.
S. Orphitus, Martyr, Tiferni in Umbria.
S. Euxuperantius, Martyr, Tiferni in Umbria.
S. Benedictus, Martyr, Tiferni in Umbria.
S. Eutropius, Martyr, Tiferni in Umbria.
S. Fortunatus, Martyr, Tiferni in Umbria.
S. Pamphilus Presb. Martyr Cæsareæ in Palestina.
S. Valens Diac. Martyr Cæsareæ in Palestina.
S. Paulus Confess. Martyr Cæsareæ in Palestina.
S. Firmus Martyr, apud Græcos.
S. Neon Martyr, apud Græcos.
S. Pyrrhus Episcopus, apud Græcos.
S. Claudius, Episcopus Viennensis in Gallia.
S. Jovinus, in Pictaviensi Galliæ diœcesi.
S. Fortunatus Presbyter, in Spoletina Italiæ diœcesi.
S. Medulphus, Eremita in Arvernia.
S. Proculus, Episcopus Martyr, Bononiæ in Italia.
S. Ronanus, Episcopus, Eremita in Britannia Aremorica.
S. Photinus Confessor, in Namurcensi Belgii diœcesi.
S. Caprasius, Abbas monasterii Lirinensis.
S. Wistanus, e regia Merciorum prosapia in Anglia.
S. Symeon, reclusus in porta Trevirensi.
S. Eneco, Abbas Onniensis in Hispania.
S. Conradus seu Cuno, designatus Archiepiscopus Trevirensis.
S. Gaudentius, Ep. Arbensis in Dalmatia.
S. Agapitus, Monachus in Russia.
S. Dionysius, Monachus in Russia.
B. Theobaldus, Confessor, Albæ Pompejæ in Insubria.
B. Pelingottus, tertii Ordinis S. Francisci Urbini in Italia.

PRÆTERMISSI ET IN ALIOS DIES REIECTI.
Opera R. P. Godefridi Henschenii piæ memoriæ ubi aliud non indicant litteræ in margine appositæ.

D.P.
Beati Bonfilii, I Generalis Ordinis Servorum, nomen hoc die, tamquam mortis suæ (quam obiit Florentiæ an.1262) notatur in Catalogo Generali Sanctorum, qui non sunt in Romano, apud Ferrarium; sed per errorem; quem videtur ipsemet auctor correctum voluisse in Indice Alphabetico; non Junii, sed Januarii diem I notans: quando obiisse eum etiam scribit Gianius in sui Ordinis Annalibus. Ex quibus aliisque plenius de eodem agere poterimus (si publicus ejus cultus interim nobis probatus fuerit) dicto die I Januarii.
Raymundi, Confessoris Ordinis Prædicatorum, beata memoria, inserta est scriptis additionibus Carthusiæ Bruxellensis ad Grevenum. Dedimus Vitam & Bullam Canonizationis VII Januarii.
SS. Hermylus & Stratonicus, Martyres Singiduni in Mysia, referuntur a Græcis in Menæis & Menologio Sirleti, sed majori encomio, quando cum Latinis eorum Acta dedimus, XIII Januarii.
D.P.
B. Archangela de Trino, in Acie bene ordinata Sanctorum ac Beatorum Ordinis Carmelitici, hoc die notatur: Auctor vero in Notis Mss. Addit, quod ejus dies anniversaria celebratur, de consensu & indulto particulari Ludovici Gonzagæ Episcopi Mantuani & aliorum hujus successorum. Verum ea dies, tam apud Lezanam & Danielem a Virgine Maria Latine, quam in Vita Italica Guastallæ excusa an. 1686, dicitur fuisse XXV Januarii.
In quem diem optamus originaliter transcriptum obtinere Libellum, statim ab obitu scriptum de Vita & miraculis ejus, quem in monasterio Mantuano, cui Parvi-Carmeli nomen, asservari asserit Hippolitus Donesmundus, Part. 2 Hist. Mant. ad an. 1495.
Paula junior, Virgo Romana, neptis S. Paulæ Viduæ, cum titulo Sanctæ memoratur a Carolo Bartholomæo Piazza, in Santuario seu Menologio Romano perpetuo. Non reperimus ejus nomen in ullis Fastis, neque hic Auctor indicat qua in Ecclesia colatur, aut in qua ejus Reliquiæ asserventur. Ceterum quæ de ea poßent dici, habentur in Vita S. Paulæ aviæ num. 42 die XXVI Januarii.
S. Probatius, Presbyter Novigenti in agro Parisiano, colitur hodie & natalis dicitur. Nos Vitam ejus dedimus, quando Reliquiarum inventio celebratur, IV Februarii.
S. Apollinaris, Confessoris & Doctoris, depositio apud Antiochiam, inserta est Ms. Florario Sanctorum. De hac re quæsivimus ad Vitam S. Claudii Apollinaris, Episcopi Hieropolitani, § I. die VII Februarii.
S. Secundi Martyris translatio altera; Aslæ in Liguria facta anno MDXCVII, indicatur a Ferrario in Catalogo generali ex Tabulis Ecclesiæ Aslensis a se lectis. Varia Acta S. Secundi, cum pluribus Translationibus, dedimus die ejus natali XXX Martii.
SS. Felicis, Fortunati, & Achillei Martyrum translatio in Navarram, ad cœnobium S. Georgii Azuellensis, refertur in Hagiologio Lusitano Cardosi, scribentis nativitate Lusitanos esse. Nos Acta vitæ & martyrii, Auctore coævo, dedimus (ubi & dictæ translationis meminimus) die XXIII Aprilis.
SS. Florentius & Vindemialis Episcopi, Patroni Tarvisii, ob corpora eorum ibidem adservata, referuntur a Ferrario in Catalogo Sanctorum Italiæ. Eorum Acta dedimus XI Maii.
S. Eulogii, Presbyteri & Martyris Cordubensis, translatio Ovetum, indicatur a Galesinio & Ferrario: de ea egimus ante Vitam ejus XI Martii.
S. Maximi, S. Venerandi, Martyrum, S. Vulfranni, S. Eremberti Episcoporum, S. Condedi Presbyteri, Translatio corporum, Fontanellæ, cœnobio diœcesis Rotomagensis, refertur a Saussaio, & Molano, & SS. Vulfranni & Eremberti a Wione, Dorganio, Bucelino, ex Breviario Fontanellensi. De hac Translatione late agitur post Vitam S. Vulfranni, a nobis illustratam pag.49 die XX Martii.
At Vitam S. Eremberti Episcopi dedimus, XIV Maii.
Acta martyrii SS. Maximi & Venerandi, XXV Maii.
Vita vero S. Condedi danda erit XXI Octobris.
S. Firmus Martyr, ob corpus Roma Viennam Austriæ anno 1643 translatum, ad ecclesiam S. Iosephi Theresanarum, ibidem Officio duplici colitur, sicut diximus, ubi de S. Fabio XXI Maii.
S. Hilarius Episcopus Tolosanus, & quidem tam primus & quam Secundus ejus nominis, refertur in Martyrologio Gallicano Saussaji, De eo late egimus, & num duo Synonymi sint statuendi, quæsivimus die XXI Maii.
S. Florentius monachus, hoc die mortuus Fulginii, refertur a Iacobillo in opere de SS. Umbriæ, & a Ferrario in Catalogo generali. Is depositus in ecclesia Cathedrali ibidem, sub ritu Duplicis, hodie colitur: verum, quia res gestæ, a S. Gregorio Magno scriptæ, cohærent cum Actis S. Eutychii Abbatis in ægro Nursiano, simul coluntur in Martyrol. Rom. quod & nos secuti sumus, XXIV Maii.
S. Vicentius, Lirinensis monasterii cœnobita, hodie refertur a Petro de Natalibus, Canisio, & aliis; ut diximus ad ejus Vitam, XXIV Maii.
S. Joannis I Papæ & Martyris translatio refertur in Ms. Florario Sanctorum. De ea egimus a Vitam ejus XXVII Maii.
SS. Sisinnius, Martyrius, & Alexander, Martyres in agro Tridentino, referuntur cum longo encomio in Viola Sanctorum, Hagenoæ anno MDVIII excusa. Eorum Acta dedimus XXIX Maii.
S. Madelgisili Eremitæ aliqua elevatio, Centulæ hodie facta scribitur, uti diximus ad ejus Acta XXX Maii.
S. Petronilla Virgo, hoc die solita est coli in Ecclesia Aquileiensi, scilicet propter solennitatem SS. Cantii, Cantiani & Cantianillæ translata. De ea & aliis egimus XXXI Maii.
S. Vincentius Martyr Romæ refertur a Molano, Greveno & aliis: est is, littera prima transposita, S. Juventius, seu Inventius, qui cum aliis tribus Martyribus hoc die colitur. Imo Viventius, magis usitato nomine, appellatur in nonnullis Mss. uti infra dicemus.
D.P.
Stephanus & Lya conjuges ex Teutonia adducti, Benedictus Episc. Paulus Abbas, Leo & Donatus, Martinus & Marcus eorum filii. Joannes Diac. Lyæ frater. Martyres in Lucania sub Saracenis.
Offeruntur nobis ex cujusdam per antiqui (ut dicitur) Ms. Codicis ecgrapho, per Abbatem Cajetanum communicato, & inter Card. Baronii collectanea asservato, in Bibliotheca Vallicellana Romæ sub littera O; tamquam a Ludovico Pio adducti in Italiam, ad restauranda Episcopia & monasteria; & quasi eorum omnium corpora, revelante S. Marco Euangelista, insimul reperta fuissent, eo quo paßi fuerant loco, circa civitatem Atissam in Lucania; quo nempe pater cum quinque filiis se receperat, post varia pro fide tolerata tormenta, in civitate ejusdem Lucaniæ Pallonia, sub Principe Pallonio, Italicas Provincias vastante, & Iovis ceterorumque gentilismi deorum cultore, aperto scilicet divinitus carcere, sani integrique egreßi: cujus martyrii fama, ex Firmana ubi habitabat Provincia, excita Lya, cum Marco adhuc lactente & fratre, cum iisdem ad viri filiorumque sepulcrum orans expiraverit; idque tempore Iustini atque Ludovici Pii, Imperatorumque, vastantibus Lucaniam primum Parthis, e Septentrione advectis; deinde Saracenis, e Cilicia. Inventa autem dicuntur corpora anno Incarnationis MXXXIX, gubernante Romanam rempublicam III Rege Henrico, II Conradi Cæsaris filio, secundo anno regni ejus, vel (ut in fine legitur) anno III regni ipsius. Hæc omnia quam male cohæreant, nemo vel modice in historia versatus non videt. Enormiter discrepant Justini & Ludovici tempora, scilicet integris tribus seculis: Atissam & Palloniam civitates nullas novit Italia, vetus aut nova. Henricus, inter Germaniæ Reges hujus nominis Tertius, primum regnare cœpit a morte patris Conradi ipso anno 1039 obita: neque facile capias quos fabulator intelligat Parthos a Septentrione, nisi forte Tartaros, quos in Italiam penetrasse nusquam legimus. Merito igitur tam absurdam rhapsodiam contempsit Baronius, neque dignatus fuit uspiam nominare: apud omnes etiam scriptores de Sanctis Italiæ, altum de istis silentium.
Justus & Virianus Martyres indicantur a Greveno & Canisio, & Virianus etiam a Bellino ac Molano. Virianus a Saussajo, Viennæ videtur ascribi; sed propter Ferrarium, qui citans Maurolycum profert in Notis, quæ hic attribuit Viventio, melius Juventio dicendo: de quo infra. acturi latius, lucem nobis majorem adferri optamus.
S. Eusebius Martyr indicatur in Ms. Carmelitano, forsan ob Reliquias alicujus Eusebii, ad quemdam ejus Ordinis Conventum allatas.
S. Theocus, Presbyter Noviomi, indicatur in Ms. Florario. Est nobis hactenus ignotus. Non etiam est mentio ejus in Breviarii Noviomensis Kalendario, neque apud Saussajum.
Martyrius, Episcopus Viennæ, inscriptus est Ms. Florario. Verum cum Viennæ talis Episcopus non fuerit, an aliunde talis advenerit, aut ejus Reliquiæ eo translatæ fuerint, necdum potuimus scire.
Helladius, Eladius, Gallus additur S. Claudio Episcopo Viennensi, aut loco illius ponitur in Martyrologiis nonnullis, ut infra ad hujus Natalem examinamus.
Ludgard, devota Christi matrona, in Sanctarum Virginum congregatione, quam in Brixmon S. Anscharius ordinavit, totum patrimonium suum offerens, cælesti Sponso chorum castitatis suo nutrivit ducatu. Ita Crantzius lib. I Metropolis cap. 41. Hanc Wion in Appendice, quod Natalis ignoretur, & non colatur, retulit, addito titulo Sanctæ. Secutus Menardus. Arturus vero in Gynæceo ad hunc diem retulit. Quæ de ea extant, ex Crantzio jam retulimus, nec plura audemus aliunde sperare.
Leonartius, Episcopus & Confessor in Britannia, insertus est dicto Ms. Florario: sed quis ille fuerit, necdum assequi potuimus.
Dicullus, Eremita cœnobii Bosanhamo, ut Sanctus memoratur a Camerario in Menologio Scotico: verum a Dempstero ejus Elevatio hoc die refertur, at Natalis XI Februarii; quo die a Ferrario, citante Dempsterum, proponitur Bosanhamus Eremita majori mendo, sed hoc ad hunc diem emendato Dicullus legitur. Allegatur a Camerario Vita S. Wilfridi, quam auctore Eadmero dedimus XXIV Aprilis, ubi num. 46 agitur de laboribus ab eo in Sussexia susceptis, & ista adduntur: Erat ibi Monachus quidam de natione Scotorum, nomine Diculus, habens monasterium permodicum, in loco qui vocatur Bosanham, seu Boschan, inter Chicestriam & Thernæiam insulam, ad lacum versus Hantoniam. Alius est Dicullus Presbyter, in Vita S. Fursæi apud Bedam lib. 3 cap. 19; qui in altera S. Fursæi Vita, 16 Ianuarii num. 37, Tibulla appelatur. De hoc Colgamus, ad ejusdem Fursæi Vitam pag. 92, non audet definire, quis ille sit ex novem nomine Diculli ibidem propositis: cui & nos assentimur ignorari utriusque cultum ac diem natalem. Utrumque in unum virum conflavit Dempsterus, in Hist. Eccl. Gentis Scotorum pag. 203, & librum ab eo scriptum more suo comminiscitur.
Albertus, Episcopus Rigensis, legislator Militiæ Gladiferorum, cum titulo Beati inscriptus est Menologio Cisterciensi Chrysostomi Henriquez. At Claudius Chalemot abstinet a titulo Beati, uti & Krantzius; ob cujus relationem dubitat Chalemotus, an revera fuerit Cisterciensis. Plurimum is laudatur lib. I Historiæ Livoniæ, quam Balthasar Russowenus Germanice edidit.
Petrus, in eremo fontis Avellani Eremita, indicatur a Menardo, sed solum cum titulo Venerabilis.
Valentius Presbyter, apud Provinciam Valeriam ante ecclesiam sepultus, qui ante caulas furem vervecis detinuit, memoratur cum titulo Sancti a Petro de Natalibus, lib. 11 cap. 101, quod ejus Natalem ignorarit. Hunc Ghinius retulit ad diem primum Iunii: & citatur ab utroque S. Gregorius lib. 3 Dialogi cap. 22. Sed is nomen Presbyteri non exprimit; quæ autem narrat, asserit se accepisse ab Abbate suo Valentiniano. Hinc exactiora monumenta de cultu hujus Anonymi desideramus.
Petrus, S. Roberti Abbatis apud Molismum discipulus, inde Cistercium digressus, ac piis operibus clarus, refertur hoc die cum titulo Beati a Chrysostomo Henriquez in Menologio Cisterciensi, Claudio Chalemoto in Serie Sanctorum & Beatorum & illustrium virorum Ordinis Cisterciensis, & a Gabriele Bucelino in Menologio Benedictino. Ast Saussajus in Martyrologio Gallicano, solum inter Pios recenset: nec inveni in Kalendario Cisterciensi, Divione. sub an. 1617 excuso. Dedimus XXIX Aprilis Vitam S. Roberti primi Abbatis Cisterciensis, ubi nihil de eo.
Germanus, Rex Sardiniæ, postea Monachus Ordinis Cisterciensis, memoratur a Ferrario in Catalogo generali, quasi memoria ejus Calari recolatur; in Notis autem allegat. Tabulas & monumenta Ecclesiæ Calaritanæ, nobis ignota; additque quod de eo inveniatur aliquid apud Lauream Euangelicam. Edidit hanc Angelus Manrique, & lib. 3 discursu 7 agit de viris illustribus Sanctitate Ordinis; sed absque mentione hujus Germani; cujus memoria nihilo premitur silentio a Chrysostomo Henriquez, Claudio Chalemoto, Bucelino, & aliis.
D.P.
Vereor autem, ne in allegandis Tabulis Ecclesiæ Calaritanæ, æque infelix Manrique fuerit atque Ferrarius. Nam Dionysius Bonfant, in Triumpho Sanctorum Sardiniæ lib. 13 cap. 40, ut Calaritanis Regem istum adscribat, solius Ferrarii, & malæ allegatæ ab eo Laureæ, auctoritate nititur. Interim Ferrarium, mutatis ejus verbis auctisque (ut alibi eum quam in suo, ad marginem tamen citato Catalogo, legisse videri debeat) mutato etiam Sancti prætensi nomine, sic ordiri facit: Kalendis Junii S. Gumerus Calaritanus, Sardiniæ Rex &c: deinde (ac si longius ille elogium texeret) addit: Vixit hic Rex Sardiniæ tempore D. Bernardi Abbatis Claravallensis. Quia vero eo tempore Pisani Sardiniam, armis obtentam, designatis a se Iudicibus quatuor regendam commiserant, eorum unius Constantini filium fingit Gumerum, qui, æque ac ceteri, Regis sibi nomen usurpaverit: qui etiam in vulgi contemptum venerit factus Monachus, & locum proverbio, in stolidum hominem usurpari solito, dederit, Miradi ita Gunari, id est, En qualis Gumerus. Denique Patrem Pintum reprehendit Manrique, quod in dubium revocarit, sit ne S. Gumarus (cui omnino in promontorio Calaritano stat dicatum templum, Sardis de santu Gunaru dictum) sitne inquam S. Gunarus hic alius a S. Januario; quod dubium minime absurdum mihi videtur; esto nunc, (abolita distinctiori notitia ejus cui dicata ecclesia est) Romano Martyrologio assueti recentiores, didicerint magis integrum Januarii nomen pronuntiare, quando de Neapolitanæ Urbis Patrono fit sermo; quem tamen nihil prohibet cogitare ibi sub nomine Gunaru cultum fuisse, & forsan ante tempora Pisanorum. Sed hæc ipsismet Sardis porro dijudicanda relinquimus; satisque habemus hic indicasse, cur sæpius cunctemur Triumpho isti plaudere.
Conradus, e claro Baronum genere prognatus, monachus & archigrammateus in monasterio Ordinis Cisterciensis Heyna, sive Hegena, quod olim in Hassia fuit, virtutum gratia conspicuus, refertur in Kalendario Ordinis Cisterciensis anno 1617 Divione excuso, & cum titulo Beati memoratur ab Henriquez, Chalemoto, Bucelino & Iongelino in Abbatiis Haßiæ & Thuringiæ. Allegatur antiquum Missale Ordinis, in quo ista leguntur: Conradus, in Egena monasterio Hassiæ monachus, multa miraculorum gloria continue fulgens. Ita solent Obitualia ut vocant, seu dies obitus virorum illustrium annotari in Kalendariis & Martyrologiis; neque inde cognoscitur cultus aut veneratio Ecclesiastica eorum. Allegantur secundo Collectiones Philippi Seguini, Prioris Caroli-Loci in diœcesi Silvanectensi, quæ si aliquando excudantur, certius judicium de re tota ferri poterit.
Alphonsus Navarettus, ex Ordine Prædicatorum primus Martyr in Japonia, refertur hisce Kalend. Iunii in Anno sancto Ordinis S. Dominici, Gallice & Belgice excuso. At virtutes & martyrium ejus describuntur a Ioanne Rehac in Triumpho martyrum cap. 5 & tribus sequentibus.
Joanna de Durve, prima Abbatissa pro Coletanis Clarissis facta Camberiaci in Sabaudia an. 1470, multa sanctitatis insignia in vita edidit: ejusque corpus, post centum ab obitu annos integrum & suavissime redolens, inventum fuisse, scribunt Waddingus in Annalibus, & Haroldus in Epitome ad dictum annum, non indicato anno aut die mortis, aut titulo Beatæ addito, quod facit Arturus in Martyrologio Franciscano & Gynæceo Sacro; Nicolai Fodereti historiam allegans, unde ejus simulque sic repertæ Mariæ Cavaleriæ notitiam hausisse profitetur Waddingus.
Leonardus Assisias, S. Francisci in prima profectioneSyriaca socius, ab eodem Arturo ad hunc quoque diem cum titulo Beati refertur: de quo nihil scitur quod non habeatur in Vita S. Francisci, quando, si cultum Ecclesiasticum habet, de eo latius poterit agi.
Petrus Nodæus, Ordinis Minimorum Provincialis, non sine eximiæ sanctatis opinione indicatur obiisse, & Nigeoni jacere; sed inter Pios, in Martyrologio Gallicano Saussaii.
B. Germani monasterio Parisiis, dedicatio cryptarum, in honore ac veneratione Dei Genitricis Mariæ & B. Petri Apostoli, Sanctorumque Martyrum Georgii, Aurelii, atque Nathaliæ, ubi principalis ara nomini ejusdem Virginis & B. Petri omniumque Apostolorum consecrata est. Ad caput vero sanctorum Martyrum est altare in honore S. Michaëlis, beatarumque omnium cælestium Virtutum. Et ad pedes ipsorum SS. Vincentii, Sebastiani, Christophori, Andochii, Tyrsi & Felicis. Est ibi & altare in honore Macarii, Dionysii, Rustici & Eleutherii, omniumque Sanctorum Martyrum. Etiam aliud S. Marcelli, Genovefæ Virginis, Savini, Audoëni, Anoberti, omniumque Confessorum & Virginum. Ita Usuardus in primario Martyrologio, quod extat in monasterio S. Germani de Pratis, scriptum ante mortem Caroli Calvi, cui ipsum auctor dicavit, uti nos docuit Ioannes Mabilio. Quare istam memoriam hic indicandam censuimus.
SS. Marcellini & Petri Martyrum, susceptio corporum Gandavi legitur apud Saussaium, in Martyrol. Gallic. Acta damus II Junii.
SS. Alcibiades & socii, Martyres Lugduni, sub M. Aurelio Antonino, hodie nominantur a Ferrario in Catalogo generali. Paßi sunt in comitatu S. Photini Episcopi, & simul coluntur II Junii.
S. Erasmi natalis invenitur in Ms. Casinensi. Colitur ipse II Junii.
Agoardus, Episcopus Lugdunensis, cum titulo Sancti, proponitur a Ghinio in Natalibus Sanctorum Canonicorum. At Saussajus aliique referunt (sed fere inter Pios) VI Junii.
S. Philippus, Presbyter apud Cæsaream Palæstinæ, memoratur in Mss. Leodiensibus S. Lamberti, & S. Laurentii: ab aliis VI Junii.
Rodulphus, Episcopus Eugubinus, vir magnæ austeritatis, ut Sanctus profertur a Menardo in Martyrologio Benedictino. Wion quoque lib. 2 in Eugubinis Episcopis eumdem Sancti titulo honorat, asseritque obiisse 26 Iunii. Ast Ughellus in Episcopis Eugubinis, abstinet ab omni titulo Sancti & Beati, quamvis ipsum Wionem citet. De eo agemus XXVI Junii.
S. Theobaldus, Abbas Vangaditiæ in diœcesi Hadriensi in Italia, Ordinis Cumaldulensis, hisce Kalendis Junii mortuus, & ibidem depositus, maxima celebritate colitur. Ita Ferrarius, Wion, Dorganius, Bucelinus; idemque consetur, qui Salanicæ prope Vicentiam Eremita vixit, a morte ad hanc urbem translatus. Verum Augustinus Florentinus, Vicentia Vangaditum translatum ejus corpus asserit. Hæc controversia ad S. Theobaldi Eremitæ Salanicensis Acta aptius proponetur; ubi, quamvis dicetur ab eo alius esse hic S. Theobaldus Abbas, hodie coli solitus; Lectorem tamen remittimus ad §. 3 Commentarii prævii alterius Actis XXX Junii.
D.P.
B. Bartholomæus Episcopus Vicentinus, ac subinde Patriarcha Hierosolymitanus, obiit anno 1270, qua occasione multa de eo diximus post Tom. 7 Maii in Paralypomenis ad Tom. 3, cui Series istorū Patriarcharum præfigitur; ibique promisimus Vitam ejus dare hoc die, sed per errorem: scribi enim debuit tum ibi tum XXI Maii in Prætermißis I Julii.
Laudulphus Episcopus apud Laudenses, ut Sanctus, indicatur a Galesinio; ut Beatus, a Ferrario in Catalogo generali, & ab Ughello Tomo 4 in Episcopis Astensibus: qui, ex Kalendario antiqui Breviarii Ecclesiæ Astensis, asserit, eum obiisse, quando de eo poterit agi, IX Julii.
SS. Wlfadus & Ruffinus, Martyres in Anglia, referuntur in Martyrologio Anglicano primæ editionis, eoque citato a Ferrario. Sed quæ ibi dicuntur, quasi in odium fidei a proprio patre Vulfhero Rege fuissent occisi, late rejecimus ad Vitam S. Ermenildæ Reginæ, uxoris dicti Vulfheri XIII Februarii §. 3. Cultum tamen eorumdem tuetur Alfordus in Annalibus Ecclesiæ Anglosaxonicæ, ad annum 669 num. 9 & 10, atque cum Martyrologio Anglicano secundæ editionis passos ait (quando ea res poterit examinari) XXIV Julii.
Epidius, Episcopus & Confessor, adscriptus est Additionibus Greveni ad Usuardum. Videtur esse S. Helpidius, Episcopus Lugdunensis, referendus ad II Septembris.
Juvencus, Presbyter & poëta Euangelicus, inscriptus est Martyrologio Hispanico Tamayi Salazar, citantis Ms. Martyrologium Hieronymi Roman de la Higuera: ideo forsan, quod hoc die colatur S. Juventius Martyr Romæ. Idem nihilominus Tamayus, velut isti Ms. parum fidens, rejicit illius Natalem in diem (quando poterit cultus examinari) XII Septembris.
S. Cypriani translatio reliquiarum Rothonaci in Flandria, memoratur a Molano, Canisio, Saussaio. Dies ejus natalis est XIV Septembris.
S. Nicomedis, Presbyteri & Martyris, dedicatio Ecclesiæ Romæ, indicatur a Rabano, Usuardo, Adone, Notkero, & hi duo addunt: Cujus martyrium celebratur XVII Kalendas Octobris. In nonnullis Mss. appellatur Natalis S. Nicomedis, & in Apographo Parisiensi Martyrologii Hieronymiani interponitur inter quatuor Martyres Romanos, Juventium & alios, tamquam eorum socius. In variis Poloniæ Ecclesiis colitur Officio trium Lectionum. De eo, cum Martyrologio & Breviario Romano, agetur XV Septembris.
S. Gaudini, S. Principii, S. Lupi, Episcoporum S. Agricolæ Presbyteri Elevatio corporum indicatur a Saussaio Molano, Galesinio, Ferrario: ex his S. Gaudinus colitur, uti tunc diximus, XI Februarii,
S. Principius, frater S. Remigii, XXV Septembris.
S. Lupus, istius in Episcopatu successor, XIX Octob.
S. Agricola Presbyter, perperam Episcopus dictus. XX Octobris.
S. Romedius, Confessor Tridentinus, cum aliquo elogio refertur a Ferrario in Catalogo Sanctorum Italiæ, quod prima Dominica mensis Junii celebretur Dedicatio ipsius Ecclesiæ: cujus festum diem agi XV die Januarii præmonet. Verum, (uti ad dictum diem notavimus,) in Vita, quam ex veteribus Mss. Tomo 3 Bavariæ sanctæ exhibuit Raderus, consentientibus quibusdam Martyrologiis, dicitur obiisse & coli I Octobris.
Damianus, Presbyter Commervaldiæ, qui S. Andreæ Reliquias a S. Regulo in Scotiam allatas recepit, proponitur a Dempstero, in Menologio Scotico, hoc die; a Camerario, sequenti die. De eo poterit agi, aut cum S. Regulo utrique memorato, XVII Octobris.
aut ad Acta S. Andreæ Apostoli XXX Novembris.
S. Florus Episcopus, creditus a S. Petro Apostolo missus in Galliam Narbonensem, & factus primus Episcopus Lodovensis, refertur a Iacobo Branche in libro de Sanctis Arverniæ & Velauniæ.
D.P
S.P.N. Hypatii memoria hodie occurrit in Menæis excusis variisque Synaxariis Mss. Suspicamur eumdem esse, qui cum titulo Episcopi Gangrorum notatur in Græcorum Typico, & absque ullo charactere in Synaxario Coptico, quemque cum Latinis referemus XIV Novembris.
S. Amatoris, Episcopi Augustodunensis, translatio inscripta est Ms. Florario. Dies ejus natalis est XXVI Novembris.
S. Proculus, Episcopus Interamnensis, Martyr Bononiæ, colitur ibidem in Ecclesia Parochiali S. Proculi Militis, & refertur ex Ms. Strozziano, atque a Ferrario in Catalogo Sanctorum Italiæ. Nos hoc die ad Vitam S. Proculi Militis de eo nonnulla dicimus, plura daturi die Natali I Decemb.
SS. Gisleni, Sulpicii Episcopi, & Leocadiæ Virginis translatio, celebratur in monasterio Cellensi, nunc S. Gisleni dicto, uti in Natalibus Sanctorum Belgii indicat Molanus, ad diem ejus Natalem (quod ad hunc diem alii faciunt) IX Octobris.
De S. Sulpicio Episcopo egimus XVII Januarii.
De S. Leocadia Virgine agendum erit IX Decemb.
D.P
SS. Ischyrionis Ducis & Militum quinque, in Ægypto vario martyrio enectorum sub Diocletiano, laudatur passio in hodierno Romano, omnibus antiquioribus Græcorum Latinorumque Fastis ignota: quapropter, licet Baronius in Notis addat, de iisdem apud Græcos agi; moneatque diversos ab iis esse, de quibus sub Decio paßis ex Dionysti Alexandrini epistola agit Eusebius lib. 6 cap. 42; non audemus tamen diversos opinari, donec alicunde clarior nobis eorum notitia offeratur. Scimus enim Baronium, cujus arbitrio potißimum proceßit Martyrologii innovatio & amplificatio, Græcæ linguæ ignarum, circa Sanctos Græcorum adjutum solo quod Sirletus illi verterat Menologio, in quo ipso nullus comparet Ischyrion: proinde veremur ne Sciolus aliquis ipst imposuerit; & cum bona illius venia, differimus ulteriorem circa Martyres istos tractationem, usque in XXII Decembris.

Acta Sanctorum: Clarus von Lectoure

Acta Sanctorum: Justinus der Märtyrer

Acta Sanctorum: Felinus und Gratianus

Acta Sanctorum: Ammon, Zeno und Gefährten

Acta Sanctorum: 16.000 Soldaten

Acta Sanctorum: Florentius und Gefährten

Acta Sanctorum: Reverianus von Autun

Acta Sanctorum: Octavius

Acta Sanctorum: Zosimus und Thekla

Acta Sanctorum: Crispinus

Acta Sanctorum: Juventius und Gefährten

Acta Sanctorum: Lucia und Gefährten

Acta Sanctorum: Proculus von Bologna: Soldat

Acta Sanctorum: Secundus

Acta Sanctorum: Crescentianus und Gefährten

Acta Sanctorum: Pamphilus und Gefährten

Acta Sanctorum: Firmus

Acta Sanctorum: Neon und Pyrrhus

Acta Sanctorum: Claudius von Vienne

Acta Sanctorum: Jovinus von Ension

Acta Sanctorum: Fortunatus

Acta Sanctorum: Medulphus

Acta Sanctorum: Caprasius

Acta Sanctorum: Proculus von Bologna: Bischof

Acta Sanctorum: Ronan von Locronan

Acta Sanctorum: Photinus

Acta Sanctorum: Wistan

Acta Sanctorum: Simeon von Trier

Acta Sanctorum: Enneco von Oña

Acta Sanctorum: Kuno von Trier

Acta Sanctorum: Gaudentius von Arbe

Acta Sanctorum: Agapitus und Dionysius

Acta Sanctorum: Theobald Roggeri

Acta Sanctorum: Johannes Pelingotto

Übersetzung ins Deutsche  Google-Übersetzung ins Deutsche


Juni I: 2. Juni




USB-Stick Heiligenlexikon als USB-Stick oder als DVD


Seite zum Ausdruck optimiert

Empfehlung an Freunde senden

Artikel kommentieren / Fehler melden

Suchen bei amazon: Bücher über Acta Sanctorum: 1. Juni

Wikipedia: Artikel über Acta Sanctorum: 1. Juni

Fragen? - unsere FAQs antworten!

Im Heiligenlexikon suchen

Impressum - Datenschutzerklärung



        Zum Schutz Ihrer Daten: mit 2 Klicks empfehlen!


- zuletzt aktualisiert 11.12.2014
korrekt zitieren:
Societé des Bollandistes:
Die Deutsche Nationalbibliothek verzeichnet das Ökumenische Heiligenlexikon in der Deutschen Nationalbibliografie; detaillierte bibliografische Daten sind im Internet über http://d-nb.info/969828497 abrufbar.